Një grua 45-vjeçare shqiptare ka humbur jetën në Itali, në një aksident automobilistik. Sipas mediave italiane viktima është Diana Brahimi, me profesion estetiste dhe aksidenti ka ndodhur mbrëmë ne Ponsacco, province e Pizas.
Gruaja ka qene duke ecur në këmbë në trotuar, teksa kthehej nga puna si çdo nate kur është goditur nga një makine që drejtohej nga një 90-vjeçar, raporton tvklan.
Mediat shkruajnë se trupi pa jete i gruas ka mbetur poshtë makinës dhe është nxjerre vetëm pasi zjarrfikëset kane mundësuar ngritjen e automjetit.
I moshuari, që shkaktoi aksidentin, ka mundur të thotë më pas mes tronditjes se nuk e kishte llogaritur që në rrugë ishte duke kaluar dikush, transmeton KlanKosova.
Familja e Diana Brahimit jetonte prej shumë vitesh në Ponsacco dhe ishte e njohur jo vetëm në komunitetin shqiptar aty. Për aksidentin do të ketë një hetim nga prokuroria e Pizas.
