500 tifozë në pushime ‘all inclusive’ – pronari i ri turk i Hull Cityt do t’i shpërblejë tifozët që shikuan më shumë ndeshje

Pronari i ri i Hull City, Acun Ilicali, ka njoftuar se do të marrë 500 tifozë në pushime në fund të sezonit.

Pas doli i pari në League One në sezonin 2020/21, Hull City aktualisht është në vendin e 20-të në Championship dhe duket se do të qëndrojë në nivelin e dytë edhe për sezonin e ardhshëm.

Turku Ilicali, që e bleu klubin, po planifikon të shpërblejë fansat për mbështetjen e tyre besnike.

Ai mori pjesë në një ngjarje të fansave të enjten dhe u tha tifozëve se do të ketë një festë gjithëpërfshirëse në një hotel me pesë yje në Antalia të Turqisë.

Hull City owner Acun Ilicali is to take 500 supporters on a luxury all-expenses-paid holiday to Turkey this summer. #hcafc https://t.co/a2m1XcWiKA

— David Coverdale (@dpcoverdale) April 8, 2022

Ata që kanë ndjekur më shumë ndeshje do të kenë përparësi, por do të ketë edhe një short, si dhe disa përfshirje bamirësie për udhëtimin pesëditor me të shpenzimet e paguara nga pronari i klubit.

“Mendova se çfarë mund të bëj për t’i bërë tifozët tanë të ndihen ndryshe. Dua të jem një tifoz i Hull City, të jetë një privilegj”.

“Ne do të kemi një fluturim privat me aeroplan nga Humberside (Aeroporti) në Antalia. Pesë ditë në një hotel me pesë yje. Do të shijojmë së bashku, të gjithë do të kenë kujtime të mira”.

Acun Ilicali watches on as Shota Arveladze puts his players through their paces ahead of #Boro. #hcafc pic.twitter.com/krIXtU5X1U

— Hull City Live (@HDMHullCity) April 7, 2022

“Nuk mund t’ju them për numrat konkretisht, por para së gjithash, disa shpërblime për frekuentuesit më të mëdhenj. Mendoj se kemi shifrat e atyre që kanë ndjekur më shumë ndeshjet. Këta djem duhet të shpërblehen”.

“Disa nga ato më të pranishmit, disa me short, disa për bamirësi, kështu që të gjithë do të ndihemi mirë. Pesë ditë fantastike duke shijuar së bashku dhe freskim pas Covidit”, ka thënë Ilicali, sipas BBC .

250 persona do të përzgjidhen për pushimin e fund-sezonit, me secilin person që do të jetë në gjendje të sjellë një mysafir.

Hull City owner Acun Ilicali will pay for 500 fans to go on an all-expenses-paid holiday to Turkey https://t.co/pfcXEM8kkU

— Mail Sport (@MailSport) April 8, 2022

Ilicali zbuloi gjithashtu se Hull do të shkojë në Turqi për një turne parasezonal ku do të luajnë tre ndeshje, duke përfshirë një përplasje të madhe me gjigantët turk Fenerbahçe. /Telegrafi/