Mark Twain kishte të drejtë kur kishte thënë se: “Së pari u krijua Mauritius e pastaj parajsa; dhe se parajsa u kopjua pas Mauritius.”

Mauritius është një ishull i oqeanit Indian i cili konsiderohet si një parajsë tropikale dhe një destinacion ideal për pushime. Vetëm gjatë vitit 2017 nga Kosova kanë udhëtuar rreth 140 persona drejt Mauritius.

Këto janë pesë resorte të cilat konsiderohen si ndër më të mirat nga një numër i madh i turistëve dhe mund të ndihmojnë të merrni vendimin për të vizituar këtë vend magjik.

Shangri-La Le Touessrok

I vendosur në plazhet përrallore të Trou d’Eau Douce Bay, ky vendpushim ekskluziv u renovua në vitin 2015 dhe qysh prej atëherë është një prej hoteleve më të vizituara, me ambiente të cilat ju lënë pa frymë me bukuritë e tyre. Resorti Shangri – La Le Touessrok posedon dy ishuj privat, 7 restaurante dhe bare, gamë të gjerë të sporteve ujore, palestër, fusha tenisi dhe golfi dhe pishina me pamje mahnitëse.

Në momentin e arritjes në hotel mysafirët priten me shampanjë dhe me një mikpritje të ngrohtë përcillen nga stafi në dhomat e tyre luksoze. Një pushim në Shangri La Resort do të bëjë të përjetoni luksin, relaksin dhe eksperiencën më të mirë mauritiane.

Maradiva Villas Resort & Spa

Ky resort luksoz me pesë yje gjendet në bregun perëndimor të Mauritius, një rajon i famshëm për klimën e thatë dhe të ngrohtë, plazhet e bukura të cilat në fund të ditës ju ofrojnë pamje spektakolare të perëndimit të diellit.

Ky resort luksoz përbëhet nga 65 vila me pishina private, restaurante me ushqimet më të shijshme mesdhetare, mauritiane dhe internacionale dhe mbi 200 anëtarë të stafit të dedikuar për mirëqenien e mysafirëve me qëllim që secili mysafir të përjetojë magjinë e vërtetë të pushimit mauritian. Maradiva Villas Resort padyshim se do të ju dhurojë një përvojë e paharrueshme e cila do të mbetet tërë jetën në mendje si një prej kujtimeve më të ëmbla.

Constance Prince Maurice

I vendosur në një hapësirë private të bregut lindor, Prince Maurice Resort konsiderohet si perlë e një parajse tropikale të tillë si Mauritius. Brigjet tërheqëse rrethuar me rërë të butë të bardhë, ujë kristalor dhe bukuritë tjera që ofron ky resort do të ju bëjnë të mendoni se jeni duke ëndërruar.

Prince Maurice njihet për kombinimet mahnitëse të arkitekturës dhe dizajnit të cilat e bëjnë atë një hotel unik në oqeanin Indian. Një pushim në këtë vend do të bëjë që të harroni të gjitha problemet e përditshmërisë dhe të arratiseni në një dimension tjetër të relaksit dhe luksit.

Long Beach Resort

Long Beach është e vendosur në Belle Mare dhe posedon 3 pishina, restaurante me ushqimet më të shijshme, dhoma moderne dhe elegante të cilat kanë ballkone me pamje në det, ndërsa disa prej tyre janë të vendosura në pjesën e përparme të plazhit.

Vizitorët mund të relaksohen në verandat e bukura, të shijojnë lindjen dhe perëndimin e diellit, të merren me aktivitete të ndryshme ose të shijojnë ambientin dhe mikpritjen e këtij resorti i cili do të bëjë të kaloni një prej pushimeve më të mira të jetës.

Ambre Resort & Spa

E vendosur në mes të lagunës së koraleve, kopshteve tropikale dhe plazhit me ujë të pastër kristal, Ambre Resort ofron një atmosferë të qetë dhe të ngrohtë për të gjithë vizitorët. Vizitorët mund të gëzojnë kuzhinën tradicionale mauritiane dhe atë internacionale në tre prej restauranteve të resortit. Fushat e tenisit, golfit dhe palestra janë vetëm disa prej aktiviteteve të shumta që ofron ky resort.

Të zgjoheni në mëngjes në suitat me pamje nga oqeani ose kopshtet e bukura do të ju bëjë të ndiheni të relaksuar dhe të vërtetoheni se keni bërë zgjedhjen e duhur që keni zgjedhur Ambre Resort për të kaluar pushimin tuaj.

Për më shumë info vizitoni pikën kryesore të As Travel në Rr.Tringë Smajli, faqen zyrtare në Facebook ose kontaktoni në email: www.astravel-club.com dhe info@astravel-club.com. Gjithashtu mund të kontaktoni në numrin:+37745245888