Volkswagen është duke e festuar ditëlindjen e 40-të të veturës më të suksesshme evropiane të të gjitha kohërave: Golf. Deri në këtë ditë, më shumë se 30 milionë vetura të Golf janë shitur anë e mbanë botës. Që nga dita e parë, Golf ka reflektuar progres të madh teknologjik.
Qoftë, motor-turbo, motor me injeksion të drejtpërdrejtë, sistemet e vozitjes elektrike ose hibride; qoftë ABS, ESC, XDS apo 4MOTION; qoftë sistemi për Përshtatjen e Kontrollit të Vozitjes, Frenimi Emergjent për Qytet, Stabilizimi për Rimorkio apo sistemi për Frenim Automatik Pas-Përplasjes, qoftë kondicioneri automatik, sistemi i zërimit Dynaudio, ekrani Touchscreen me sensorë apo dritat LED; qoftë pakot e pajisjeve Trendline, Comfortline, Highline, GTI, GTD apo GTE – ishte gjithmonë Golf, përmes së cilit u realizuan teknologjitë dhe trendet tona më të rëndësishme.
Shtatë gjeneratat e GOLF-it që e shkruan historinë.
GOLF I (1974-1983): “Gjithçka filloi në vitin 1974 me një revolucion”, kështu e përshkruan Klaus Bischoff, Drejtori i Dizajnimit për përfaqësinë e Volkswagenit. “Hapi prej Beetle në Golf ishte revolucionar. Një pamje e re e veturës u krijua me konvertimin prej motorit të pasmë me ftohje të ajrit në motor të përparmë me ftohje të ujit dhe nga ngasja me rrotat e prapme në ngasjen me rrotat e përparme. Në aspektin e dizajnimit të veturës, dizajnerët e Volkswagenit kaluan nga format e rrumbullakëta në një strukturë drejtkëndëshe të dizajnimit – të bazuar nga studimi legjendar i dizajnit nga Giorgio Giugiaro”.
GOLF II (1983 – 1991): Ky ishte Golfi në të cilin teknologjitë e Volkswagenit si, konvertuesi katalitik i kontrolluar (1984), ABS (1986) dhe ngasja me katër rrotat (1986) u prezantuan. Në këtë gjeneratë, seritë e modeleve u avancuan që të bëheshin ikonë definitive. Marc Lichte, udhëheqës i Dizajnimit të jashtëm për Volkswagen rikujton: “Atëkohë, një ndër momentet kyçe në histori të Golfit ishte vendimi nga anëtarët e bordit që të shkojnë më tej me përpunimin e dizajnimit të Golf I dhe ta konceptualizojnë GOLF II duke u bazuar në ADN-në e saj. Kjo gjë vuri çdo gjë në funksion, dhe Volkswageni krijoi bazën për zhvillimin e mëtutjeshëm të modeleve të tjera”.
GOLF III (1991-1997): Në vitin 1991, Volkswageni inicioi një epokë të re të sigurisë në gjeneratën e tretë. Fillimisht, Golf III ishte modeli i parë i serisë që ofroi jastëkë të ajrit të përparmë në vitin 1992; gjithashtu, përparim të madh në fushën e prodhimit çoi në përmirësimin e sigurisë gjatë ndeshjeve. Motori i parë TDI i serisë së modeleve gjithashtu u prezantua në këtë Golf (1993).
GOLF IV (1997-2003): Nën drejtimin e ish-Udhëheqësit të Grupit Dizajnit, Hartmut Warkuss, u krijua një dizajn preciz i cili do ta shtronte rrugën për të ardhmen e Volkswagenit. Sot, ekspertët e shikojnë Golf IV si një ikonë të dizajnit dhe një pionier për seritë. Por, ky Golf ishte edhe një inovator i inxhinierisë me teknologjitë si ESC (1998) dhe ndërruesin modern të shpejtësive DSG (2002).
GOLF V (2003-2008): Ishte thjeshtë Golf, komforti i tij, dinamika dhe mbi të gjitha, cilësia e tij që i la konkurrentët e tij të klasës së mesme duke e ndjekur nga pas. Një vlerë që e ilustron stabilitetin e shasisë së salduar me laser është rritja prej 35% në rezistencën ndaj dridhjeve kur Golf V debutoi në vitin 2003. Golfi i parë BlueMotion (4.5l/100 km konsum të karburantit) – i bazuar në Golf V- u krijua në vitin 2007.
Golf VI (2008-2012): Trupi i veturës, edhe një herë i salduar me laser, ishte aq i sigurt sa që përformoi me ngjyra fluturuese në EuroNCAP testin për përplasje, duke e fituar maksimumin e pikëve, saktësisht 5 yje. Triumfi i motorëve TSI (motorët e teknologjisë së lartë me benzinë) dhe konvertimi i turbodizelëve (TDI) në sistemin (Common rail), çoi në një përformancë më dinamike dhe konsum më ekonomik të karburantit për vetëm 3.8l /100km.
Golf VII (prej 2012-ës): Pesha u zvogëlua për 100kg në gjeneratën e shtatë të Golfit, duke i shuar kështu diskutimet e mëdha për peshën. Konsumi i karburantit u reduktua për 23% më shumë në krahasim me modelin e kaluar, varësisht nga motori specifik. Pararendës i kësaj lëvizjeje është Golf TDI BlueMotion me një konsum mesatar të karburantit prej 3.2l /100km, dhe gjithashtu është vetura e 30 miliontë e prodhuar. Golf VII përfundimisht do të hyjë në histori si modeli kompakt në të cilin e tërë gama e sistemeve të asistencës e bëri debutimin e saj. Ato janë sisteme të tilla si ‘mbrojtja preventive para-përplasjes’ si dhe ‘sistemi i frenimit automatik pas-përplasjes’ – teknologji këto të cilat ishin të parapara që të ofroheshin më shumë në klasën “premium” se sa në klasën kompakte të veturave. Kjo gjithashtu dëshmon demokratizimin në përparimin e industrisë automobilistike.
Golf është modeli më i suksesshëm që është prodhuar nga Volkswagen. Në verën e vitit 2013 u prodhua Golfi i 30-të miliontë – i gjeneratës së shtatë. Golfi i gjeneratës së shtatë prodhohet në Wolfsburg (Gjermani), Zwickau (Gjermani), Foshan (Kinë) dhe Puebla (Meksikë).
1.Golf TDI BlueMotion: Shpenzimi mesatar i karburantit: 3.5 l/100km për qytet, 3.0 l/100km jashtë qytetit, 3.2 l/100km i kombinuar. Emetimi i CO2 85 g/km (i kombinuar), klasa e efikasitetit: A+
2. e-Golf: Shpenzimi mesatar i energjisë 12.7 kWh/100km (i kombinuar). Emetimi i CO2: 0/km; klasa e efikasitetit: A+
3. Golf GTE: shpenzimi mesatar i karburantit 1.5 l/100km (i kombinuar). Emetimi i CO2: 35 g/km (i kombinuar); klasa e efikasitetit: A+
Lufta Prigozhin - Putin
Më shumëBëhet virale videoja e gruas që thyen xhamin e Lamborghinit duke kërcyer mbi të
Sa janë pagat në fabrikën e Tesla-s në Evropë?
Lamborghini përditëson logon
Biçikleta elektrike e punuar nga druri i bambusit, kushton 2,200 euro – ka një rreze prej 100 kilometrash
Kamionçina e re nga Kia shihet duke u testuar në rrugët e SHBA-së
Si ta drejtoni siç duhet një veturë automatike?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj