30 ditë paraburgim për ish-funksionarët e Ministrisë së Bujqësisë në Maqedoni

Gjykata sot miratoi masën e paraburgimit për ish-ministrat dhe zëvendësministrat e dyshuar të bujqësisë. Të dyshuarit janë ish-zyrtarët Aco Spasenovski, Mihail Cvetkov, Ljupço Dimovski dhe Kristian Delev për keqpërdorim të detyrës zyrtare dhe kompetencave, përcjell Telegrafi Maqedoni.

Ata akuzohen se kanë keqpërdorur detyrën zyrtare dhe kompetencat gjatë ndarjes së ndihmës bujqësore dhe dhënien me qira të tokave shtetërore.

Pasi që disa orë janë marrë në pyetje në Gjykatën Themelore Shkupi 1, Gjykata Mihail Cvetkovit dhe Kristian Delevit iu ka caktuar masën e paraburgimit prej 30 ditëve, ndërsa për shkaqe shëndetësore Aco Spasenovskit iu caktua masa e burgut shtëpiak. Ish-ministri i Bujqësisë dhe deputeti aktual Ljupço Dimovskit është thirrur në imunitetin e deputetit dhe do të thirret në gjykatë për t’u pyetur pasi që të krijohen kushtet për këtë.

Prokurorja Vilma Ruskovska pas marrjes në pyetje deklaroi se Gjykata ka kërkuar masën e paraburgimit për tre të dyshuarit.

Lexo po ashtu Arrestohen dy ish-ministra të Bujqësisë në Maqedoni, në kërkim edhe një deputet

“Për njërin nga të dyshuarit, për shkaqe shëndetësore, për të cilën dhe ka dokumentacione mjekësore është ndryshuar propozimi nga masa e paraburgimit në masën e burgut shtëpiak”, tha Ruskoska./Telegrafi/