26-vjetori i Masakrës së Izbicës – Mbahet tubim përkujtimor, nderohen të rënët për liri

Sot është 26-vjetori i Masakrës së Izbicës së Skenderajt, në të cilën u masakruan 147 civilë shqiptarë.

Në 26-vjetorin e kësaj masakre, është mbajtur tubim ku kanë marrë kryetari i Komunës, Fadil Nura, nënkryetari Sami Lushtaku, familje të dëshmorëve drejtorët komunalë, anëtarë të Kuvendit e deputetë të Parlamentit të Kosovës, përfaqësues të shoqatave të dala nga lufta dhe një numër i madh i madh i qytetarëve, shkruan Telegrafi.

“Për t’i nderuar të rënët e kësaj masakre, janë vendosur buqete me lule të freskëta te Lapidari në Kompleksin Përkujtimor në Izbicë, ndërsa është mbajtur edhe tubimi, ku janë mbajtur fjalime dhe është shprehur respekti i përjetshëm për të gjitha viktimat e Masakrës së Izbicës, për nder të 26 vjetorit të asaj ngarje të rëndë”, thuhet në njoftim.

Bëhet e ditur se pas tubimit, është bërë zbulimi i pllakës përkujtimore në shtëpinë e Afrim Xhemajlit, e cila kishte shërbyer si furrë buke e Ushtrisë Çlirimtare të Kosovës (UÇK) në kohën e luftës. /Telegrafi/