LAJMI I FUNDIT:

21-vjetori i masakrës së Reçakut, qytetarët kujtojnë tmerrin

21-vjetori i masakrës së Reçakut, qytetarët kujtojnë tmerrin

Kumrije Asllani ka mbetur e vetme me dy jetimë, pasi forcat serbe ia vranë burrin në Reçak. Ajo rrëfen për se si Mustafë Asllani u nxor me dhunë nga shtëpia, teksa kërkon drejtësi për të gjithë të vrarët në Kosovë. Në 21-vjetorin e masakrës së Reçakut edhe qytetarët kanë rrëfyer për tmerrin që kanë parë.

Kumrije Asllanit, forcat serbe ia morën burrin nga shtëpia duke e lënë atë të vetme më vajzën dhe djalin. Ajo rrëfen se si burri i saj Mustafai, u nxor me dhunë nga shtëpia e më pas u masakrua në Reçak.

“Ne kemi qenë me familje kur e ndanë burrin nga ne. Unë isha me vjehrrën kur ma morën burrin. Ma lanë fëmijën një vjeçar”, tregon për RTV Dukagjinin, Kumrije Asllani.        

Tash e 21 vjet, Asllani viziton Kompleksin Përkujtimor në Reçak, për të kujtuar burrin e saj të vrarë dhe viktimat e tjera të këtij krimi makabër.

“Vij çdo vit këtu me 15 janar për të kujtuar atë ditë”, thotë më tej Kumrije Asllani.

Data 15, kur kujtohet vrasja masive e 45 shqiptarëve civil, mbledhë edhe shumë qytetarë të tjerë për të kujtuar viktimat e kësaj masakre.

Ilaz Hysiqi nuk e kishte përjetuar luftën në Kosovë, pasi kishte migruar në mërgatë. Por pavarësisht kësaj, ai vjen çdo vit nga Zvicra, për të nderuar ata që humbën jetën.

“Kur ka ndodhur masakra në Reçak unë kam qenë në Zvicër. Bashkë me familje e kemi ndjerë atë dhimbje edhe kombëtare por edhe shpirtërore pasi edhe vet jam i kësaj ane. Ndërsa për çdo vit unë bëj vizitën te varrezat e dëshmorëve. Kjo masakër ka tronditur gjithë botën pasi është bërë mbi popullatën civile”, deklaron Ilaz Hysiqi.

Qytetarët kanë hedhur akuza ndaj palës serbe për mohimin e krimeve që kanë bërë gjatë luftës. Pikërisht në këtë ditë, ata kërkojnë që Serbia të përgjigjet për të gjitha krimet, përfshirë edhe këtë masakër që kanë bërë në Kosovë. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Tha se ditë të vështira e presin Serbinë, Vuçiq: Nesër ose pasnesër i merrni përgjigjet

Lajme
Limaj: Nuk duhet të shkojmë në zgjedhje kur dëshiron Kurti

Limaj: Nuk duhet të shkojmë në zgjedhje kur dëshiron Kurti

Siguri
Kalo në kategori