Kryetari Themelues i Rotary Club Peja, Neshad Asllani përmes një postimi në Facebook ka shënuar 15-vjetorin e pranimit të Kosovës në Rotary International dhe njohjen ndërkombëtare të Kosovës.
Asllani ka theksuar se data 4 nëntor është shumë e rëndësishme dhe kujtoi se pranimi dhe njohja e Kosovës në Rotary International, është bërë falë punës së palodhshme të miqve Rotarian dhe Jo-Rotarian nga mbarë bota.
“Të dashur miq Rotarian, ju jeni pjesë e organizatës së parë shërbyese në botë dhe një ndër organizatat më të rëndësishme me ndikim ndërkombëtarë. Në Kosovë ju përfaqësoni familjen e madhe Rotary prej 1.200.000 anëtarëve. Të përkujtojmë se Rotarianët kanë ndikim të rëndësishëm global, mos të harrojmë se 49 Rotarianë, në vitin 1945, kanë luajtur rol kyq në themelimin e Kombeve të Bashkuara. Rotary international, pra organizata jonë e shkëlqyeshme, sot gëzon vendin e merituar në Organizatën e Kombeve të Bashkuara”, shkruan Asllani.
Postimi i plotë:
VITET KALOJNË SHPEJTË, TANI U BËNË PESËMBËDHJETË!
Të dashur miq Rotarian,
4 Nëntori 2005, është datë e rëndësishme për Kosovën dhe për Rotary International, pasi shënon pranimin e Kosovës në Rotary International dhe njëherit njohjen e parë ndërkombëtare të vendit tonë!
Ju lutem përkujtoni me Rotarianët e Klubeve tuaja, këtë ditë të rëndësishme, duke mos harruar se ju jeni pjesë e rëndësishme e Rotary International dhe në vendin tonë përfaqësoni vlerat Rotary!
Të dashur miq Rotarian, ju jeni pjesë e organizatës së parë shërbyese në botë dhe një ndër organizatat më të rëndësishme me ndikim ndërkombëtarë. Në Kosovë ju përfaqësoni familjen e madhe Rotary prej 1.200.000 anëtarëve. Të përkujtojmë se Rotarianët kanë ndikim të rëndësishëm global, mos të harrojmë se 49 Rotarianë, në vitin 1945, kanë luajtur rol kyq në themelimin e Kombeve të Bashkuara. Rotary international, pra organizata jonë e shkëlqyeshme, sot gëzon vendin e merituar në Organizatën e Kombeve të Bashkuara!
Pranimi dhe njohja e Kosovës në Rotary International, është bërë falë punës së palodhshme të miqve Rotarian dhe Jo-Rotarian nga mbarë bota. Falë tyre shërbimi Rotary, vullnetarizmi dhe kontributi për të tjerët janë instaluar edhe në vendin tonë.
Andaj 4 Nëntori, është ditë e rëndësishme për Kosovën dhe Rotary International, Ju lutem, përkujtoni me Rotarianët e Klubeve tuaja këtë ditë dhe ngjarje të rëndësishme për vendin tonë!
Me këtë rast, dua të falënderoj të gjithë ata me të cilët punuam së bashku (bashkëlidhur shikoni kopjen e emailit nga Rotary International), në mesin e tyre vlen të dallojmë:
– Znj. Laurie Linxweiler, Rotary International, Evanston, Illinois, SHBA
– PP David Gotaas, RC Winnetka Northfield, Illinois, SHBA
– PP Haki Dervishi – Indio Sunrise Rotary Club, California, SHBA
– PDG Kalcho Hinov, Guvernator i Distriktit 2480, Bullgari
– PP Radojica Dakic, Kryetar i RC Podgorica, Mali i Zi
Në fund, miq të dashur Rotarian, ju falënderoj për kontributin tuaj në shtrirjen dhe zhvillimin e shërbimit Rotary në vendin tonë. Me punën tuaj të palodhshme ju mundësuat të implementohen me qindra projekte në shëndetësi, edukim, projekte të ujit dhe ato humanitare, Në qytetet tuaja ju keni lartësuar emrin dhe shërbimin Rotary. Falë jush, sot organizata jonë e mrekullueshme është një ndër organizatat më të besueshme në vendin tonë!
Të vazhdojmë të punojmë dhe shtrijmë rrjetën Rotary edhe në qytetet tjera të Kosovës!
Të bashkuar do t’ia dalim!
I juaji në Shërbimin Rotary,
Neshad Asllani, Rotary Club Peja
Kryetar Themelues. /Telegrafi/
Promo
Reklamo këtu
Nga PlanB
Nga Telegrafi Jobs
Nga CITY College
Lufta Prigozhin - Putin
Më shumë
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Projekti më i mirë, Piramida e Tiranës fiton çmimin e madh për Evropën Juglindore
Kosova jashtë KiE-së, deputetja finlandeze akuzon BE-në se po tregohet e butë me Serbinë
Flet shqiptari që vrau gruan: Nuk pendohem, hante me paratë e mia dhe më tradhtonte
Bie nataliteti në Kosovë, ASK dhe MPB me statistika të ndryshme për lindjet
Plagosje me armë zjarri në Nashec të Prizrenit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Meç i madh i boksit mes Tyson Fury dhe Oleksandr Usyk - detajet minutë pas minute
Demografia evropiane - cili shtet ka natalitetin më të lartë dhe ku qëndron Kosova?
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
“Vuçiq paguan paraprakisht në rast të fitores së Trumpit”, mediat botërore shkruajnë se si dhëndrit të ish-presidentit amerikan iu shit ndërtesa e Shtabit të Ushtrisë Serbe
Gjithçka çfarë duhet të dini për meçi mes Tyson Fury dhe Oleksandr Usyk: Koha, titujt, rekordet dhe pesha e tyre
Projekti më i mirë, Piramida e Tiranës fiton çmimin e madh për Evropën Juglindore