Zyrtare: Pjaca kalon me sukses operimin, mësohet mungesa e tij

Juventusi kanë konfirmuar se futbollit i tyre, Marko Pjaca, do të jetë jashtë fushave për rreth gjashtë muaj pas kryerjes së një operacioni në ligamentet e dëmtuara në gju.

Mesfushori kroat ka pësuar një lëndim në ndeshjet ndërkombëtare, ku kombëtarja e tij, Kroacia, luajti përball Estonisë.

Lexo po ashtu Juventusit i lëndohet ylli kroat, pritet të mungojë një kohë të gjatë (Video)

Në këtë takim, Pjaca, pësoi një lëndim të rëndë ku dëmtoi ligamentet e gjurit dhe dihet që lëndimi i tij do të rezultojë me një mungesë të madhe të futbollistit.

Juventusi ka lëshuar një deklaratë në faqen zyrtare, ku lajmëron se Pjaca ka kaluar me sukses operacionin dhe pritet të mungoj rreth gjashtë muaj.

“Sot, Marko Pjaca iu nënshtrua një operacioni në gjurin e tij të djathtë, pas një lëndimi të ligament tij kruciat dhe meniskut të jashtëm në detyrë me kombëtaren kroate javën e kaluar”, thuhet fillimisht në njoftimin e Juventusit.

Lexo po ashtu ​FIFA do t’ia paguajë Pjacas rreth një milion euro për shkak të lëndimit

“Operacioni, i kryer nga Profesor Mariani dhe në prani të mjekut të klubit Juventus, Claudio Rigo, ishte i suksesshëm dhe lojtari do të fillojë programin e tij të rehabilitimit me efekt të menjëhershëm”.

“Pjaca pritet të kthehet në trajnime të rregullta në një kohë përafërsisht rreth gjashtë muaj”, përmbyll njoftimin klubi italian. /Telegrafi/