Jasir Asani do të vazhdoj huazimin tek skuadra e madhe suedeze AIK nga Stokholmi.
Ka qenë klubi i Partizanit që ka njoftuar për vazhdimin e huazimit të lojtarit, deri më 30 gusht të këtij viti, pasi futbolli në Suedi nuk kishte filluar më parë shkaku i pandemisë Covid-19.
Asani llogaritet si një lojtar shumë i talentuar, teksa në fund të marrëveshjes AIK ka mundësinë edhe të blerjes së lojtarit.
Njoftimi i plotë i FK Partizanit: Klubi njofton kohëzgjatjen e huazimit të Jasir Asanit te klubi AIK. FK Partizani dhe AIK në marrëveshjen e re të nënshkruar mes palëve kanë vendosur të shtyjnë afatin e huazimit deri në 30 gusht 2020, me të drejtën e blerjes në fund të lojtarit nga gjigandët suedez AIK. Marrëveshja e re e cila është konkretizuar me pëlqimin e dy klubeve dhe lojtarit Jasir Asani, ka ardhur si pasojë e ndërprerjes prej më shumë se 2 muaj të aktiviteteve zyrtare të futbollit për shkak të situatës së krijuar nga COVID -19. Jasir Asani i cili u shpall kampion i Shqipërisë me të kuqtë, iu bashkua klubit të AIK në Janar të 2020, skuadër me të cilën debutoi me gol në ndeshjen zyrtare të kupës së Suedisë ndaj Kalmar. /Telegrafi/
