Zyrtare: Mërgim Mavraj nënshkruan me Turkgucu Munchen

Mbrojtësi shqiptar, Mërgim Mavraj është edhe zyrtarisht një lojtar i klubit Turkgucu Munchen, i cili garon në Bundesliga 3.

Mavraj në sezonin e fundit ndihmoi Greuther Furth të ngjitej në Bundesligë, por tani ka vendosur të provojë një eksperiencë të re.

35-vjeçari nga Kosova ka nënshkruar zyrtarisht me klubin Turkgucu Munchen skuadër që prej një sezoni bën pjesë në kategorinë e tretë dhe është themeluar nga komuniteti turk plot 46 vite me parë.

Është vet klubi që e ka konfirmuar zyrtarisht transferimit e Mavrajt me anë të rrjeteve sociale.

🍿🍿🍿 #TGM #Transfer pic.twitter.com/Rf98mB0sV3

— Türkgücü München (@turkgucumunchen) July 9, 2021

“Mërgimi është një lojtar me përvojë dhe cilësitë e tij do na ndihmojnë. Ai është një mbrojtës pozicional, i fortë në lojën në ajër dhe bën një hapje të mirë të lojës”.

“Mërgimi gjithashtu ka një personalitet të fortë dhe për këtë arsye do të luajë një rol të rëndësishëm në ekipin tonë”, ka thënë drejtori sportiv i Turkgucu Munchen, Roman Plesche.

👋🏽✍🏽⚽️ #TGM pic.twitter.com/6dh4g0nIfI

— Türkgücü München (@turkgucumunchen) July 9, 2021

Për transferimin ka folur edhe vet mbrojtësi shqiptar.

“Në këtë klub vë re shumë gjëra që kanë dalluar dhe kanë formuar karrierën time. Mund të zgjidhja ndonjë rrugë më të lehtë, por nuk më pëlqen t’i bie shkurt, ashtu sikurse edhe Turkgucu Munchen nuk i pëlqen të gjejë rrugën e lehtë. Do punojmë së bashku si komunitet për të arritur te sukses”, ka thënë Mavraj. /Telegrafi/