Zmadhimi i gjoksit nuk është më operacioni më i popullarizuar estetik, në radhë të parë tash është liposuksioni
Sipas të dhënave të publikuara së fundmi nga Shoqata Ndërkombëtare për Kirurgjinë Plastike Estetike (ISAPS), liposuksioni ka kaluar zmadhimin e gjoksit si forma më e popullarizuar e kirurgjisë estetike në botë, për shkak të shqetësimeve në rritje për lidhjen e implanteve me kancerin e gjirit.
Procedura e konturimit, e cila përdor thithjen për të hequr yndyrën e tepërt, përbënte 14.8 për qind të operacioneve plastike në mbarë botën, ndërsa shifra ekuivalente për zmadhimin e gjoksit ra në pak më shumë se 13 për qind.
Tendencat në ndryshim janë pjesë e një rritjeje globale në mjekësinë estetike, me mbi 30 milionë procedura kirurgjikale dhe jokirurgjikale të regjistruara në vitin 2021, një rritje prej 19.3 për qind nga viti i kaluar.
Të dhënat, të publikuara si pjesë e sondazhit të fundit vjetor të ISAPS, sugjerojnë se industria e kirurgjisë kozmetike jo vetëm që është rikuperuar nga rëniet e dy viteve të kaluara të lidhura me COVID-in, por është rritur shumë mbi nivelet para pandemisë.
Numri i përgjithshëm i procedurave kirurgjikale u rrit me mbi 33 për qind midis 2017 dhe 2021, ndërsa procedurat jokirurgjikale (nga të cilat Botox është më e popullarizuara) u rritën me më shumë se 54 për qind gjatë të njëjtës periudhë.
Numri i zmadhimeve të gjoksit gjithashtu u rrit pak, me 0.5 për qind, në të njëjtat katër vite. Redaktori i raportit, dr. Gianluca Campiglio, vuri në dukje rënien relative në krahasim me procedurat e tjera. Ai e lidhi prirjen me shqetësimet rreth BIA-ALCL, një formë e limfomës jo-Hodgkin, një kancer i sistemit imunitar, që iu atribuohet implanteve.
Campiglio, i cili punon si kirurg plastik në Itali, vuri në dukje gjithashtu një rritje të mprehtë në numrin e pacientëve që kërkojnë të heqin implantet e gjirit, një procedurë që është rritur me gati 50 për qind në mbarë botën në katër vitet e fundit.
Ndërkohë, ai paralajmëroi rritjen e liposuksionit si pjesë e një rritjeje më të gjerë të interesit për konturimin e trupit. Më shumë se 1.9 milionë procedura liposuksioni u regjistruan në mbarë botën në vitin 2021, një rritje prej gati 25 për qind nga viti paraprak.
Rinoplastika dhe abdominoplastika (operimi i hundës dhe barkut) janë gjithashtu ndër procedurat më të njohura. Kirurgjia e qepallave ishte procedura e tretë më e zakonshme në botë në vitin 2021 dhe më e popullarizuara te meshkujt.
Diku tjetër në raport, thuhet se ngritja e kofshëve është forma më e shpejtë e rritjes së kirurgjisë estetike në botë, me më shumë se 53 për qind në vitin 2020. Raporti gjithashtu theksoi një “rritje të konsiderueshme” – mbi 30 për qind – në përdorim të acidit hialuronik, i cili zakonisht injektohet si mbushës i fytyrës. /Telegrafi/
Promo
Reklamo këtuLufta Prigozhin - Putin
Më shumëDisa mënyra të shpejta dhe të lehta për të hequr qafe kafshimet e dashurisë
Thonë se nuk ka grua më të bukur se ajo në planet: Bën seks katër herë në ditë
Mosha gjatë së cilës fëmijët i shqetësojnë më së shumti prindërit
Dieta më e popullarizuar e momentit: Mund të humbni deri në katër kilogramë brenda tri ditësh
Gjithë ç’duhet të dini për gjakun në ngjyrë kafe gjatë periodave
Kuroni sëmundjet e lëkurës te fëmijët
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel