Zjarr në fabrikën e prodhuesit më të madh të vaksinave në botë në Indi

Një zjarr i madh ka shpërthyer në një fabrikë që po ndërtohet për Institutin Serum të Indisë (SII), prodhuesi më i madh i vaksinave në botë.

Por siç shkruan Al Jazeera, përcjell Telegrafi, kjo nuk do të ndikojë në prodhimin e vaksinave të coronavirusit, tha një burim pranë firmës.

Sipas Al Jazeera, kanalet televizive treguan një re të madhe tymi mbi vendin në Pune në shtetin perëndimor indian të Maharashtra të enjten.

Looks like a major fire at the Serum Institute of India, the manufacturer of the Covishield vaccine. Hope everyone is safe.
pic.twitter.com/4h92dx9WTO

— Anand Ranganathan (@ARanganathan72) January 21, 2021

SII thuhet se po prodhon miliona doza të një vaksine të zhvilluar nga Universiteti i Oksfordit dhe AstraZeneca për Indinë dhe shumë vende të tjera me të ardhura të ulëta dhe të mesme.

Kompania po përgatitet gjithashtu për të prodhuar një vaksinë që po zhvillohet nga kompania e Shteteve të Bashkuara, Novavax Inc.

Raportet thanë se zjarri ishte në një vend ndërtimi në objektin e madh ndërkohë zyra e zjarrfikësve të Pune i tha agjencisë së lajmeve Reuters se pesë kamionë me zjarrfikës ishin dërguar në vend.

Nuk kishte asnjë informacion të menjëhershëm për ndonjë viktimë apo të lënduar dhe as për shkaqet e zjarrit. /Telegrafi/