Zinedine Zidane po i kthehet futbollit në mënyrë të madhe, më në fund do të marrë punën që ka pritur gjithmonë

Futbollisti dhe trajneri legjendar francez, Zinedine Zidane, po planifikon një rikthim të madh në futboll dhe sipas mediave nga vendi i tij, pothuajse me siguri do të jetë ai që do të pasojë Didier Deschamps te Kombëtarja e Francës.

Mediat franceze hodhën një “bombë” të vërtetë mbrëmë, pasi u njoftua se Didier Deschamps po largohej nga posti i trajnerit të Francës. Pas 14 vitesh mbretërim, Deschamps njoftoi largimin e tij nga bankina e “Gjelave” pas Kupës së Botës 2026.

Ai, sipas të gjitha llogarive, do të pasohet nga Zinedine Zidane si kandidati i vetëm adekuat. Futbollisti i madh francez nuk dëshiron të drejtojë askënd në karrierën e tij, përveç Real Madridit dhe kombëtares franceze, dhe duke qenë se me Realin ka fituar gjithçka që fitohet, e vetmja dëshirë e tij e mbetur është kombëtarja e vendit të tij.

Lexo po ashtu Deschamps ka marr vendim të largohet, Franca do të ndryshojë trajner pas 14 vitesh

Gazeta e njohur franceze Le Parisien thekson se Zidane është favorit absolut për të marrë drejtimin nga Deschamps dhe do të jetë një sensacion i vërtetë nëse kjo nuk ndodh në fund.

Kështu që do të duhet të presim edhe pak kohë rikthimin e Zidane në futboll, por do t’ia vlejë, sepse është dëshira e tij më e madhe e parealizuar në karrierën e tij futbollistike, duke përfshirë edhe ditët e tij të lojës.

🚨 BREAKING: Zidane is the FAVOURITE to become France manager after World Cup 2026. @le_Parisien pic.twitter.com/zAigdCYX7g

— Madrid Xtra (@MadridXtra) January 7, 2025

Kujtojmë se Botërori 2026 do të luhet në Shtetet e Bashkuara të Amerikës, Meksikë dhe Kanada. Do të jetë një mundësi ideale që Deschamps t’i thotë lamtumirë në mënyrën më të mirë skuadrës franceze me të cilën u bë kampion bote në vitin 2018.

Duke qenë se francezët tashmë konsiderohen si një nga favoritët kryesorë, Deschamps mund të thotë lamtumirë në stilin më të bukur – me një titull të ri kampion bote. /Telegrafi/