Zidane: Di Stefano është stadiumi ynë, jemi gati të luajmë aty

Trajneri i Real Madridit, Zinedine Zidane këmbëngul se skuadra e tij nuk do të pësojë asnjë ndikim negativ kur luan në stadiumin Alfredo Di Stefano, shtëpia e zakonshme e ekipit të dytë Castilla.

Los Blancos do të luajnë ndeshjet e tyre të mbetura në shtëpi këtë sezon në terrenin i cili zakonisht është i rezervuar për ekipin e tyre B, aty ku Zidane filloi karrierën e tij të re si trajner.

Reali nuk do të luajë në shtëpinë e tyre në Santiago Bernabeu për pjesën e mbetur të sezonit për shkak të punës në ristrukturimin masiv në stadium, përfshirë heqjen dhe ri-transformimin e fushës.

Lexo po ashtu Atletico Madridi i hap dyert Real Madridit për zhvillimin e ndeshjeve në stadiumin “Wanda Metropolitano”

“Di Stefano është stadiumi ynë”, ka thënë fillimisht Zidane për ESPN.

“Është e vërtetë që jemi mësuar të luajmë në Bernabeu, por do të adaptohemi”.

Lexo po ashtu Real Madridi nuk mendon t’i luajë ndeshjet si vendas në “Wanda Metropolitano”

“Ne kemi stërvitur atje, matjet janë të njëjta, kështu që jemi gati të luajmë në stadiumin Di Stefano”, përfundoi trajneri i Realit.

Të mërkurën, presidenti i Atletico Madridit, Enrique Cerezo kishte thënë që klubi i tyre është i gatshëm të pranojë Realin nëse ata duan të luajnë në Ëanda Metropolitano. /Telegrafi/