Zhvillime të mëdha në episodin e tretë të serialit Rrushe – Gjithçka që mund t’ju ketë ikur

Në serialin më të ri dramë-krim, të prodhuar nga GjirafaStudios, po ka zhvillime të shumta në çdo episodë. Kjo u pa edhe në episodin e tretë, ku situata ka filluar të tensionohet. Se çfarë ndodhi në këtë episod, e çfarë pritet të ndodhë, mund ta lexoni shkrimin më poshtë.

Si çdo të diel, seriali Rrushe po sjell shumë momente interesante, që po e bëjnë çdo episodë më tensionuese. Pas episodit të dytë, ku pamë një vrasje që do t’ua ndryshojë jetërat cdo personazhi në serial, në episodin e tretë u gjend edhe trupi i njërit nga akterëve kryesorë në takimin e zhvilluar në episodin e parë, Ministër Sinanit. Ky takim, që dukej një marrëveshje e fshehtë për toka, solli gjuajtje me armë, e cila në mënyrë indirekte u lidh me gazetaren Vesa Pirulli.

Ndërkohë, personi që duket se ka aranzhuar fotografimin e kësaj marrëveshje, Berat Hoti, vihet pas Vesës, në mënyrë që të arrijë tek fotografitë. Familja Pirulli duket se do të futet edhe më thellë, pasi që babai i familjes, Mentor Pirulli, duket se ka problem të madh, bixhozin. E deri sa personazhet që kemi parë deri tani kanë problemet e tyre, në episodin e katërt, këto probleme do të vazhdojnë, por seriali duket se do të kthehet në fundin e viteve të 90-ta, për të na sjellë një ngjarje të re, e cila pa dyshim se do të lidhet me të tashmen.

Seriali Rrushe rikthehet të dielen, nga ora 20:00 në kanalin T7, dhe nga ora 21:00 në gjirafaVideo.
Episodin e tretë të Rrushe mund ta ndiqni më poshtë.