Zhgënjen Kosova, gjashtë ndeshje – gjashtë humbje

Përfaqësuesja e Kosovës në basketboll ka humbur edhe ndeshjen e gjashtë në eliminatoret e “Eurobasket 2017”, pasi u mposht nga Bullgaria me rezultat 67-62.

Përfaqësuesja e Kosovës luajti ndeshjen e saj të fundit në eliminatoret e “Eurobasket 2017”, ku u paraqit me dy fytyra, dobët në pjesën e parë dhe me dinjitet në të dytën.

Çereku i parë i ndeshjes ishte më i barabartë duke përfunduar me vetëm dy pikë epërsi për mysafirët apo me saktë 20-18.

Ndërsa, diferenca ndodhi në çerekun e dytë, ku Bullgaria arriti të krijojë epërsi prej 14 pikësh, duke e mbyllur këtë çerek me 22-10.

Në pjesën e parë, basketbollisti më i dalluar i bullgarëve ishte Lilov me 10 pikë, ndërsa te Kosova u dallua Bamforth me tetë pikë.

Çereku i tretë ishte shumë superior për Përfaqësuesen e Kosovës, që e fituan me rezultat 15-8, duke ngushtuar epërsinë në 50-43.

Edhe çereku i katërt nisi shumë mirë për përfaqësuesen tonë që arritën të ngushtojnë epërsinë në vetëm tre pikë 52-49.

Megjithatë, basketbollistët kosovar nuk patën forcë deri në fund për të shënuar fitoren e parë në këto eliminatore të “Eurobasket 2017” dhe kështu humbën në fund edhe ndeshjen ndaj Bullgarisë me rezultat 67-62.

Basketbollistë më të dalluar në këtë ndeshje ishin Bamforth te Kosova me 21 pikë dhe katër asistime, teksa te Bullgaria ishte Washburn me 14 pikë e gjashtë kërcime. /Telegrafi/