Zelensky thotë se “paketa e madhe” e ndihmës amerikane duhet të arrijë në vijën e parë sa më shpejt të jetë e mundur

Projektligji i shumëpritur i ndihmës prej 89 miliardë eurosh u miratua nga Dhoma e Përfaqësuesve dhe do të kalojë në Senatin e SHBA të martën.

Udhëheqësit perëndimorë mirëpritën gjatë fundjavës një paketë ndihme shumë të nevojshme të miratuar nga Dhoma e Përfaqësuesve e SHBA-së.

Projektligji do të ofrojë ndihmë për Ukrainën, Izraelin dhe Tajvanin.

Lexo po ashtu Dhoma e Përfaqësuesve e SHBA-së miraton “paketën e madhe” të ndihmës për Ukrainën

Presidenti ukrainas Volodymyr Zelensky, i cili kishte paralajmëruar se vendi i tij do të humbiste luftën pa financimin e SHBA-së, tha se ndihma duhet të vijë në vijën e parë sa më shpejt të jetë e mundur, përcjell Telegrafi.

Duke postuar në X, dikur Twitter, ai tha: “Koha midis vendimeve politike dhe dëmtimit aktual të armikut në vijën e parë, midis miratimit të paketës dhe forcimit të luftëtarëve tanë, duhet të jetë sa më e shkurtër që të jetë e mundur”.

Komandantët dhe analistët ukrainas thonë se projektligji i shumëpritur do të ndihmojë në ngadalësimin e përparimeve në rritje të Rusisë në vitin e tretë të luftës – por se ka të ngjarë të nevojiten më shumë që Kievi të rifitojë ofensivën.

Lexo po ashtu Reagon Kremlini, pas miratimit të “paketës së madhe” për Ukrainën nga Dhoma e Përfaqësuesve e SHBA-së

Paketa e ndihmës do të shkojë në Senatin e SHBA-së, ku mund ta kalojë atë të martën.

Presidenti i SHBA-së, Joe Biden ka premtuar ta nënshkruajë atë menjëherë.

Por mund të duhen ende javë që ajo të arrijë në vijën e parë, ku është shumë e nevojshme. /Telegrafi/