Zelensky lë të kuptohet se ai mund të pranojë “kërkesën e Putinit rreth NATO-s”

Disa komente interesante kanë ardhur nga presidenti ukrainas Volodomyr Zelensky, që kanë të bëjnë rreth anëtarësimit të mundshëm të Ukrainës në NATO.

Sipas Sky News, përcjell Telegrafi, pasi tha përpara fillimit të agresionit të Rusisë se ai donte që vendi i tij të bëhej pjesë e aleancës, ai u citua javën e kaluar të thoshte se ishte “ftohur” me idenë.

Ndërsa perspektivat e anëtarësimit të Ukrainës në NATO janë dukur gjithmonë të largëta, një nga kërkesat kryesore të Vladimir Putin përpara sulmit ishte ndalimi që kjo të ndodhte ndonjëherë.

Lexo po ashtu "Lufta duhet të përfundojë deri në fillim të majit" - këshilltari presidencial ukrainas jep dy versionet e mundshme se si do të ndodhë një gjë e tillë

Dhe në një ndryshim të mëtejshëm, Zelensky ka thënë këtë pasdite se vendi i tij duhet të pranojë se “nuk ka një derë të hapur” për anëtarësimin në NATO.

Presidenti vazhdoi duke thënë se “Ukraina e kupton se nuk është në NATO”, ndërsa propozoi një mënyrë që kombi të mbrojë qiejt e tij në mënyrë të pavarur, shkruan më tej Sky News, përcjell Telegrafi.

Kjo vjen pas komenteve gjatë natës në të cilat ai tha se negociatorët e tij kishin thënë se zhvillimet aktuale në bisedimet e paqes ishin “shumë të mira”.

Lexo po ashtu Agresioni rus: Nuk mbijeton gruaja shtatzënë e fotografuar duke u evakuuar nga spitali i bombarduar i Mariupolit në Ukrainë - vdes edhe foshnja e saj

“Por le të shohim”, shtoi ai. “Do të vazhdojnë edhe nesër”.

Mbetet për t’u parë nëse pozitiviteti i tij është i gabuar apo jo, dhe Shtëpia e Bardhë tha brenda natës se nuk pa “asnjë provë” të llojit të de-përshkallëzimit nga zoti Putin që beson se është i nevojshëm për të nxitur “besimin e mirë” të kërkuar që për bisedimet e paqes të kenë sukses.

Megjithatë, nëse Ukraina do të përjashtonte plotësisht mundësinë e anëtarësimit të NATO-s, kjo do të kishte simbolikë të konsiderueshme në vazhdimin e negociatave. /Telegrafi/