Zëdhënësi i LSDM-së: Video që u publikua sot është pjesë e skenarit të përgatitur më herët

Zëdhënësi i LSDM-së Kostadin Kostadinov, në lidhje me videon e publikuar për rastin “Haraçi”, sot në konferencë për shtyp deklaroi se partia e tij nuk do të tërhiqet asnjëherë nga lufta për të kthyer drejtësinë në vend.

Ai i ftoi organet gjyqësore të zbardhin të gjitha rrethanat rreth rastit “Haraçi” dhe të japin përgjigje për gjithë aktorët që kanë marrë pjesë në aktivitete joligjore, përcjell Telegrafi Maqedoni.

Kostadinov tha se gjithçka që ndodh, duke përfshirë edhe incizimin e sotëm, është pjesë e skenarit të përgatitur më herët.

Lexo po ashtu Mediumet italiane publikojnë pamjet kur “Boki 13” i merr paratë nga Orce Kamçev

“Të gjitha forcat e errëta janë të përfshira në anulimin e shtetit të së drejtës dhe rrezikojnë integrimin euro-atlantik të Maqedonisë së Veriut. Jemi të bindur se në fund e vërteta do të dalë në dritë. Përpjekjet e dëshpëruara për të sabotuar hetimet ose për të shpëtuar dikë, do të dështojnë. Jemi të bindur se këto tentime nëntokësore do të shpejtojnë hetimet dhe do të intensifikojnë dhe nxjerrin në pah të gjithë aktorët dhe pjesëmarrësit në rastin ‘Haraçi'”, tha Kostadinov./Telegrafi/

Lexo po ashtu Gazetari që publikoi pamjet për rastin “Haraçi”: Ditët e ardhshme do të publikojmë dokumente shokuese