Zbuloi një strehë në kopshtin e shtëpisë së tij që daton nga Lufta e Dytë Botërore, i moshuari në Angli e shndërron në një “kafene”

Një i moshuar në Angli zbuloi një strehë nga sulmet ajrore të Luftës së Dytë Botërore në shtëpinë ku ka jetuar për 40 vitet e fundit, pasi inspektoi një mbulesë pusesh në kopsht.

Sipas DailyMail, përcjell Telegrafi, Khandu Patel 68-vjeçar, ngriti kapakun e pusit në kopshtin e shtëpisë së tij në Wolverhampton derisa po e rregullonte oborrin.

Shtëpia u ndërtua në vitet 20-ta dhe një pronar i mëparshëm kishte gërmuar një strehë të madhe për sulmet ajrore në kopsht.

Patel dhe gruaja e tij Usha, 62-vjeçare kanë jetuar në shtëpi për 40 vite.

“Gjithmonë pyesja veten pse gjendej kapaku i pusit në oborr. Gjatë bllokimit, unë dhe një mik vendosim ta ngritnim atë. Nën të kishte beton”, u shpreh ai.

“Ne filluam të gërmojmë dhe u bë e qartë se kishte shkallë. Ishte mahnitëse duke parë të gjithë hapat e ekspozuar”, deklaroi i moshuari.

Patel dhe miku i tij kishin gërmuar një sërë shkallësh që i drejtuan të dy 3 metra poshtë kopshtit të tij.

“Ne po e shndërrojmë vendin në një lokal. Këtu do të relaksohemi”, theksoi ai.

Që kur zbuloi strehën në kopshtin e shtëpisë së tij, Patel i ka pikturuar muret si dhe ka instaluar një tryezë dhe disa drita.

Streha ishte bërë nga tulla dhe betoni. /Telegrafi/