Zbulohet se si ylli i Barcelonës e ofendoi rëndë vëllaun e Xavit pas ndeshjes me Valencian

Drama mes Barcelonës dhe Xavi Hernandez ka marrë një kthesë tjetër sipas raportimeve të fundit ku thuhet se lojtarët janë të ndarë në dy pjesë sa i përket qëndrimit ose largimit të trajnerit.

Vendimi i Xavit për të ndryshuar qëndrimin e tij sa i përket largimit nga Barcelona këtë verë duket se ka shaktuar trazira brenda klubit.

Sidoqoftë, gjithçka ka ndryshuar gjatë ditëve të fundit me presidentin e klubit Joan Laporta i cili pritet të mbajë bisedime të vështira me Xavin gjatë ditëve të ardhshëm sa i përket komenteve të tij lidhur me situatën financiare të klubit.

Disa nga anëtarët e ekipit besohet se janë të hapur që Xavi të largohet muajin e ardhshëm mes thashethemeve se ata po keqtrajtohen nga ish-mesfushori spanjoll.

🚨| JUST IN: There was an argument between Raphinha and Xavi during the match against Valencia. On getting subbed out, Raphinha insulted Xavi's brother and assistant Oscar Hernandez and then Xavi told him, "Calm down, you won't play against Girona now." [@geradromero] #fcblive pic.twitter.com/xaJ4QjOAwn

— BarçaTimes (@BarcaTimes) May 18, 2024

Kapitulli i fundit në këtë dramë pretendon se Raphinha e ka ofenduar vëllaun e Xavit dhe asistentin e tij Oscar Hernandez, pasi u zëvendësua në ndeshjen ndaj Valencias më 29 prill.

Reprezentuesi brazilian u largua nga loja teksa rezultati ishte i barabartë 2-2, dhe sipas Jijantes, Raphinha kishte reaguar me nervozizëm ndaj këtij vendimit, ku edhe i ishte komunikuar se nuk do të luante në ndeshjen e ardhshme.

Xavi reagoi ndaj ofendimit që Raphinha i bëri vëllaut të tij duke e lënë brazilianin në bankën rezervë në humbjen që pësuan me rezultat 4-2 ndaj Gironës në udhëtim./Telegrafi/