Zbulohet paga e Alisha Lehmann, pas ankesave nga anëtarja e Juventusit se nuk paguhet sa Douglas Luiz

Paga e Alisha Lehmann është zbuluar pasi ajo u ankua për diferencën e pagave me të dashurin e saj Douglas Luiz.

Dyshja kishin një sukses të jashtëzakonshëm këtë verë kur përfunduan një ‘transferim në çift’ me Lehmann dhe Luiz duke u larguar nga Aston Villa për një kapitull të ri në Torino me Juventusin.

Dyshja janë fotografuar rregullisht së bashku në rrjetet sociale, duke shijuar jetën e tyre të re në Itali. Deri më tani, që nga mbërritja te gjiganti i Serie A, Luiz ka bërë pesë paraqitje dhe nuk e ka dhënë kontribut ende për gol.

Lehmann kohët e fundit shprehu shqetësimin e saj për pabarazinë në paga midis saj dhe Luizit duke thënë: “Është e padrejtë… Ne bëjmë të njëjtën punë, por ai fiton njëqind mijë herë më shumë se unë”.

Sipas raportimeve, paga e saj mendohet të jetë rreth 200,000 euro në vit. Shumë larg nga të ardhurat e pagave të shumicës së meshkujve profesionistë.

Në të kundërt, Luiz thuhet se po fiton një shumë tërheqëse që mendohet të jetë rreth nëntë milionë euro në vit sipas të dhënave nga AI Score.

Së fundmi ajo e diskutoi këtë çështje në një intervistë për Gazzetta , duke shpjeguar: “Është diçka që më prek mua sepse jam femër. Natyrisht, ka ende një rrugë të gjatë për të ecur në rrugën në të cilën jemi, sepse mund të mos ketë kurrë paga të barabarta”.

Për më tepër, Lehmann po avokon për ndryshim dhe ka pikëpamje të forta për këtë çështje, pavarësisht reagimit të ashpër në mediat sociale. /Telegrafi/