Zbulohet oferta e parë me para plus lojtar e Juventusit drejtuar Sassuolos për Locatellin

Juventusi thuhet se ka bërë një ofertë prej 30 milionë euroshplus mbrojtësin e ri Radu Dragusin për mesfushorin e Sassuolos dhe Italisë, Manuel Locatelli.

23-vjeçari ka qenë prej kohësh në radarin e Zonjës së Vjetër dhe ishte afër një lëvizje në Torino edhe verën e kaluar.

Është pikërisht për shkak të atij dështimi, gati që shumë në Itali besojnë se Locatelli e ka zemrën të vendosur te Bianconerët.

Lexo po ashtu Klubi i vogël i Serie A që po i jep zemër të madhe Italisë – Sassuolo me dy yjet e saj ka pushtuar zemrat e italianëve

Sidoqoftë, Sassuolo duhet të bindet dhe çmimi i kërkuar pritet të rritet pas paraqitjeve të tij të shkëlqyera në Euro 2020, duke përfshirë edhe dy gola në fitoren 3-0 ndaj Zvicrës.

Sipas mediumit Goal.com, Juve është i kujdesshëm ndaj një lufte ofertash dhe dëshiron ta bëjë marrëveshjen përpara se çmimi i tij të rritet më tej.

Propozimi i tyre i parë i vërtetë është me vlerë 30 milionë euro plus shërbimet e Dragusin, një mbrojtës 19-vjeçar nga akademia e të rinjve të Juves.

Rumuni është lidhur gjithashtu me një lëvizje huazimi në Genoa.

Sidoqoftë, çmimi i kërkuar për Locatelli është të paktën 40 milionë euro dhe rritet gjatë gjithë kohës, kështu që kjo ndoshta është vetëm një ofertë fillestare. /Telegrafi/