Zbulohen mesazhet nga WhatsApp-i se si Atletico Madridi ishte afër të bënte të paimagjinueshmen me Gallagher dhe Valencian

Një zyrtar i një klubi nga La Liga ka pohuar se mesazhet e WhatsApp dëshmojnë se Atletico Madrid u përpoq të ‘tërhiqej’ nga marrëveshja e tyre për të nënshkruar Conor Gallagher nga Chelsea.

Klubi londinez ka bërë shumë transferime këtë verë, por kjo ka bërë të nevojshme edhe disa largime.

Pas muajsh spekulimesh, Conor Gallagher duket se do t’i bashkohet Atletico Madridit pasi të dy klubet ranë dakord për një tarifë prej 42 milionë eurosh.

Fillimisht dukej sikur mesfushori anglez do ta refuzonte lëvizjen, por të enjten ai fluturoi në Madrid për t’iu nënshtruar testeve mjekësore dhe për të nënshkruar një kontratë pesëvjeçare.

Për shkak të hezitimit të Gallagher, Atletico kishte një plan rezervë.

Gjigantët spanjollë arritën një marrëveshje për të nënshkruar me mesfushorin 20-vjeçar Javi Guerra nga Valencia për një tarifë fillestare prej 25 milionë euro, plus një bonus shtesë prej 5 milionë euro.

Megjithatë, kur Gallagher pranoi t’i bashkohej Atleticos disa minuta përpara afatit të vetë-imponuar, skuadra e Diego Simeone mbeti me dy rekrutët e ardhshëm për të njëjtin pozicion.

Lexo po ashtu Chelsea fut një klauzolë në marrëveshjen me Atleticon për Gallagher

Ka pasur raportime se Guerra, i cili ka qenë duke u stërvitur i vetëm në Valencia dhe i ka bërë testimet mjekësore në Madrid për të martën, do t’i bashkohej Atletico gjithsesi.

Por drejtori sportiv i Valencias, Miguel Angel Corona, ka zbuluar se klubi i tij u tërhoq nga lëvizja pasi mësuan për planin e Atleticos.

Duke folur për Relevo , Corona pohoi: “Kishte një marrëveshje të dielën… dokumentacioni po plotësohet me lojtarin. Dhe të mërkurën në mëngjes, duke pasur parasysh vonesën në kthimin e dokumenteve, ka një pyetje në drejtim të Atletico Madrid, se si është situata dhe ata na thonë se po përpiqen të dalin nga operacioni i Chelseat me Gallagher”.

“Ishte lajmi i parë që ne dhe Javi Guerra patëm për këtë, se të dy operacionet ishin të lidhura dhe ne dolëm prej andej. Ka pasur shkëmbime të vazhdueshme telefonatash, WhatsApp… Dhe në asnjë moment nuk na kishin njoftuar”.

Nëse pretendimet e Corona janë të vërteta, atëherë duket se Valencia ka humbur besimin te Atletico. /Telegrafi/