Zbulohet emri i yllit të Real Madridit i cili do ta trashëgojë fanellën me numrin tetë nga Kroosi

Real Madridi ka marrë sot (e martë) një goditje të rëndë pasi Toni Kroos njoftoi vendimin e tij për t’u pensionuar nga futbolli aktiv pas përfundimit të Euro 2024.

Pasi kishte raportime paraprake që pretendonin se gjermani është pajtuar për të nënshkruar rinovimin e kontratës për një vit, duket se ai në fund ka ndryshuar mendjen.

Ky vendim i tij do të lë një zbrazëti të madhe në mesfushën e Madridit, ndërsa ai nuk pritet të jetë i vetmi që do t’i mungojë Carlo Ancelotitt sezonin e ardhshëm pasi edhe Dani Ceballos pritet të largohet nga klubi.

Pensionimi i Kroosit ka ngritur disa pyetje të mëdha, mbi atë se cila do të jetë treshja startuese në mesfushë sezonin e ardhshëm, dhe kush do ta trashëgojë pozitën e Kroosit në qendër të mesfushës? Teksa gjërat janë ende krejtësisht të paqarta, duket se Federico Valverde është kandidati kryesor.

Lexo po ashtu Reagimi i Real Madridit pas pensionimit të befasishëm të Kroosit

Sipas raportimit nga gazetari spanjoll Alberto Pereiro, Federico Valverde do të marrë fanellën me numrin tetë nga sezoni i ardhshëm.

Madridi ka edhe dy kandidatë të tjerë për këtë fanellë në rast se Valverde vendosë t’i qëndrojë besnik numrit 15 – Aurelien Tchouameni dhe Eduardo Camavinga.

I pari mban aktualisht numrin 18, por dikur e mbante numrin tetë kur luante për Monacon. Camavinga në anën tjetër e mbante numrin 10 me Stade Rennes, por mund të synojë që ta marrë numrin tetë nga Kroosi për sezonin e ardhshëm./Telegrafi/