Ylli televiziv dhe ish-pjesëtari i ushtrisë britanike rrëfeu momente gjatë intervistimit të Zelenskyt: I ofrova çokollatë, menduan se do ta helmojë

Ylli televiziv, aventuristi dhe ish-pjesëtari i njësisë elitare të ushtrisë britanike Bear Grylls, ka intervistuar për Channel 4 presidentin ukrainas Volodymyr Zelensky.

Gjatë realizimit të intervistës, pranoi se ka përjetuar një situatë paksa të palakmueshme që madje e kishte habitur plotësisht, transmeton Telegrafi.

Derisa po filmonin dhe shoqërohej, Grylls në një moment i kishte ofruar pak çokollatë Zelensky, por sigurimi kishte reaguar menjëherë duke e analizuar për t’u siguruar nëse mund të vije deri te helmimi. E këtë histori ai e ndau për Radio Times.

Lexo po ashtu Topi i ushtrisë ruse nga i njëjti pozicion sulmonte, operatori i dronit ukrainas e lokalizon – goditet rëndë nga tanku i Kievit

“Kur i ofrova çokollatën Zelenskyt, një nga djemtë e tij u hodh dhe tha se ai nuk duhet ta hante. Unë i thashë, ‘në rregull, do të shkoj unë i pari’, për të treguar se nuk kam ndërmend ta helmoj  dhe të gjithë qeshëm”, tha ai.

“U dhashë pak djemve të sigurisë sepse të gjithëve u pëlqen një copë çokollatë, apo jo?” shtoi ai në intervistë.

“Intervista më e vështirë që kemi regjistruar ndonjëherë”, shkroi Grylls në Instagramin e tij, dhe shtoi se do të “zbulonte anët e këtij lideri botëror që nuk janë parë kurrë më parë”. /Telegrafi/

View this post on Instagram

A post shared by Bear Grylls OBE (@beargrylls)