Xhaka dhe Shaqiri në situatë të palakmueshme: Duhet ta lënë jashtë matematikisht Kosovën e tyre

Granit Xhaka dhe Xherdan Shaqiri mbesin dy yjet kryesore të Zvicrës, ndërsa kualifikimin për në Euro 2024 duhet ta kërkojnë në ndeshjet me Kosovës dhe Rumaninë.

Zvicra mbrëmë deri në minutën e 88-të e kishin “në xhep” kualifikimin për në Euro 2024, por me golin e izraelitit Shon Weissman do të duhet të presin dy ndeshjet e fundit për t’u kualifikuar në Euro.

Zviceranët ndeshjen e radhës do ta kenë të shtunën, dhe kjo ndeshje do të jetë veçanërisht emocionuese për yjet më të mëdhenj të ekipit, Granit Xhaka dhe Xherdan Shaqiri.

Xhaka dhe Shaqiri do të jenë në një situatë jashtëzakonisht të palakmueshme duke pasur parasysh se do të luajnë kundër Kosovës së tyre, me të cilën Zvicra po lufton për një vend në Euro.

Lexo po ashtu Dhjetë momentet kur Xherdan Shaqiri dhe Granit Xhaka treguan se sa shumë e duan Kosovën

Më saktësisht, me fitore në Bazel, zviceranët do të shkojnë në Euro 2024, ndërsa me barazim Dardanët mbesin pa shanse për t’u kualifikuar në garën e kombëtareve më të mira evropiane, edhe pse ashtu shanset janë minimale dhe do të duhen një sërë rezultatet në favor tonin, që të merrnim një biletë për në Gjermani.

Prindërit e Xhakës janë nga shqiptarë Kosova, por Graniti ka lindur në Zvicër, ndërsa Shaqiri ka lindur në Kosovë.

Përveç këtyre dyve, në radhët e Zvicrës janë edhe dy lojtarë të tjerë, prindërit e të cilëve janë shqiptarë nga Kosova, Andi Zeqiri dhe Uran Bislimi, i cili vitin e kaluar ka luajtur dy herë për Kosovën dhe kanë shënuar një gol.

Në ekip ftohet herë pas here edhe Ardon Jashari, prindërit e të cilit janë nga Maqedonia e Veriut, por janë shqiptar.

Lexo po ashtu Xherdan Shaqiri poston një imazh pranë Fadil Vokrrit e cila gjendet në stadiumin që mban emrin e tij

Dyshja u prit shumë mirë në Prishtinë në ndeshjen që u mbyll 2-2 në “Fadil Vokrri”/Telegrafi/