Xhabir Hamiti, për keqinterpretimet fetare: Lërini debatet e kota që s’kanë të bëjnë me trungun e fesë e as besimin e drejtë në Zot

Në lidhje me postimin e doktorit të shkencave islame, Mustafa Bajramit – që nxiti debat të madh tek Telegrafi dhe profili i tij në Facebook – ka reaguar edhe profesori i Fakultetit të Studimeve Islame, Xhabir Hamiti.

Profesori Hamiti thotë se dija absolute i takon vetëm Zotit, ndërsa shpreh keqardhje për, siç thotë, “nivelin në të cilin kanë rënë disa të rinj ,tanë si rezultat i propagandës ideologjike dhe doktrinës interpretuese fetare të literaturës së pagdhendur dhe të parecensuar”.

• LEXO PO ASHTU: Kur studenti di “më shumë” se doktori i shkencave islame, i fundit thotë: Zoti na drejtoftë!

Për atë se a është muzika haram a jo, ai thotë se “muzika si muzikë në parim nuk është e ndaluar me dispozitën e prerë fetare islame”. Ndërsa, reagon duke thënë: “Lërini debatet e kota dhe të parëndësishme të cilat nuk kanë të bëjnë me trungun e fesë e as besimin e drejtë në Zot”.

Postimin e tij mund ta lexoni të plotë më poshtë:

“Haram eshte urdheri i prere per ndalim veprimi rreptesisht, per cfare pason ndeshkimi i sigurt te Zoti. Muzika si muzike ne parim nuk eshte e ndalur me dispozite fetare islame te prere. Nuk ka konsensus te dijetareve ne lidhje me kete ceshtje sic ka per shume ceshtje tjera fetare. Ka koncenzus te vetem nje krahu te dijetareve te cilet mbeshteten kryesisht ne mendime te dijetareve te caktuar, por jo atyre sheriatike dhe te prera.

Nese flasim per lloje te muzikave dhe jo muzika si muzike ne parim, atehere mund te bisedojme dhe te kategorizojme ato. Muzika popullore, patriotike, lirike, me tekst te paster dhe jo te qoroditur, ilahi me melodi terheqese dhe te zgjedhur, kenge nga vjersha dhe poezi te bukura etj etj, pse te jete e ndaluar. Haram eshte muzika e cila zhvesh njeriun nga morali, nga identiteti kombetar dhe fetar, qe shkaterron personalitetin dhe individualitetin njerezor dhe human. Ndersa lloji i muzikes e cila njeriun nuk e nxjerr nga natyra e tij as fetare dhe as njerezore, pse te jete ne kete kategori!!!! Pa logjike nuk as besim te drejte dhe te peshuar ne Zot. Sa vende Allahu e permend mendjen ne Kuran?!

Gazaliu, Farabiu, Ibni Rushd, Ibni Sina, Muhamed Idrisi, e shume e shume dijetare tjere te cilet ndriquan boten me njohuri, a nuk ishin besimtar mysliman dhe perdorues te logjikes dhe mendjes.

Eshte i dhimbeshem niveli ne te cilen kane rene disa te rine tane si rezultat i propagandes ideologjike dhe doktrines interpretuese fetare te literatures se pa gdhendur dhe te pa recensuar, e cila ka kapluar qytetaret e besimit mysliman ne gjithe keto vitet e pasluftes ne Kosove. Literature kryesisht e naftes, dhe jo e shkences dhe dijes, e as e arsyes. Pse nuk kemi libra te autoreve mysliman indian, egjiptian, malesias, indonezian, turk, por kemi dominim te vetem nje pjese te botes islame!? Sepse, autoret e identiteteve te lartpermendura nuk kane pas veti fuqine ekonomike per te sponzoruar autoret e tyre per nje ndikim me te gjere global.

Kur bota flete per konkurrence dijesh dhe zbulimesh, ne si mysliman te cilet jemi bere peng e mendimeve ultra konservative te diejtareve te caktuar e jo te Kuranit dhe Synnetit, debatojme se a duhet te shohim henen me ndihmen e teleskopit apo vetem me sy !!!!

Lereni debatet e kota dhe te pa rendesishme te cilet nuk kane te bejne me trungun e fese e as besimin e drejte ne Zot.

Lereni idete dhe opinionet e sekteve dhe frakcioneve, ruajeni unitetin e mos u perqani si jane percare e ndare myslimanet e Lindjes se Mesme sot. Ne nuk kemi nevoje ti pasojme pervojat e hidhura dhe te deshtuara te asaj bote e cila dite e nete po derdhe gjakun e njerezeve te pafajshem, mbi baza sektare, pushtetare e poltike.

Njerezit e mencur mesojne nga pervojat e gabuara te te tjereve.

Ne duhet te jemi si bleta e cila thith vetem nekatrin e paster te luleve. Duhet te marrim vetem mendimet dhe opinionet te cilat na bashkojne si shoqeri dhe komb, e jo mendimet e askujt te cilat na ndajne e na percajne fetarisht dhe kombetarisht.

Pasimi i verbert dhe pa logjike i kujtdo mendimi tregone injorancen dhe paditurine e dikujt.

Dija absolute i takon vetem Zotit!

Qendroni si besimtare te devtoshem e punetor. Angzhohuni per rend, ligj, drejtesi, barazi, prosperitet dhe avancim ekonomik te vendit.

Ne duhet te flasim per permiresim te jetes se qytetareve tane si dhe per vetedijesim te klases tone politke per forcimin e shtetesise tone, per te krijuar kushte me te mira te jetes dhe te mireqenies, per ulur fukarallekun e shume familjeve tona, per te krijuar kushte dhe optimizem per te rinjet tane te cilet po bredhin kafeneve dhe po ikun nga vendi etj.etj.

Zoti na ndihmon kur ne kemi unitetet mes vete dhe dashuri e dhembshuri, e jo kur ne ne emer Tij urrejme e sulmojme tjetrin.

Armiku i vendit tone po bene sehir” (sic.), ka shkruar Hamiti. /Telegrafi/