Xavi i fton tifozët ta mbështesin Barcën ndaj Benficas

Të martën mbrëma, Xavi do ta zhvillojë ndeshjen e parë si trajner i Barcelonës në Ligën e Kampionëve kundër Benficas.

Blaugranët kanë një përballje të drejtpërdrejtë me skuadrën portugeze, në një ndeshje të cilën duhet ta fitojnë.

Katalunasit kanë gjashtë pikë në Grupin E, dy më shumë se kundërshtari i tyre, prandaj duhet të triumfojnë për të siguruar kualifikimin në fazën e eliminimit direkt.

❝Tomorrow is a great opportunity.❞

— Xavi on #BarçaBenfica pic.twitter.com/xrAhClbwsc

— FC Barcelona (@FCBarcelona) November 22, 2021

“Duhet ta dëshmojmë në fushë se jemi më të mirë. Nëse fitojmë, do të jemi në fazën tjetër. Duhet të jemi pozitivë dhe të sulmojmë, t’i kërkojmë tri pikët, edhe pse e kemi humbur ndeshjen e fundit nga Benfica me rezultat 3-0”, ka thënë trajneri në një konferencë për shtyp.

Ai ka kërkuar nga tifozët që të shkojnë në Camp Nou dhe ta mbështesin skuadrën, ndërkohë që i ka falënderuar për atmosferën e krijuar në derbin lokal ndaj Espanyolit.

🎙 Xavi: ❝We're in this situation because we lost to Bayern and Benfica, and that's who we have to face … the situation is that we have to win one of these two games.❞#BarçaBenfica pic.twitter.com/KxmnmcsgRY

— FC Barcelona (@FCBarcelona) November 22, 2021

“Ka qenë atmosfera më e mirë që e kam ndier në Camp Nou në jetën time. Kërkoj të vini dhe të na ndihmoni dhe të brohoritni për ne, duhet të jetë një atmosferë që shkakton rrënqethje”, ka shtuar tutje Xavi. /Telegrafi/

🎙 Xavi thanks Barça fans for the 'fantastic' atmosphere during the derby and calls upon them to come out again for #BarçaBenfica: pic.twitter.com/b0fUSMmdM2

— FC Barcelona (@FCBarcelona) November 22, 2021