X ul kërkesat për programin e tij të ndarjes së të ardhurave nga reklamat

Rrjeti social nën pronësinë e Elon Musk, X (ish-Twitter), mbrëmjen e së enjtes bëri të ditur se ka ulur kërkesat për programin e saj të pagesave për kreatorët.

Kompania tha se kreatorët të cilët kanë mbledhur 5 milionë përshtypje në 3 muajt e fundit, do të jenë të kualifikuar për ndarjen e të ardhurave nga reklamat – çereku i kërkesës së kaluar prej 15 milionë përshtypjeve.

Kreatorët do të mund të tërheqin një shumë minimale prej 10 dollarëve në vend të 50 dollarëve, deklaroi kompania. Megjithëse, përdoruesit akoma do duhet të jenë të verifikuar dhe të kenë të paktën 500 ndjekës për t’u kualifikuar për pagesa, raporton Tech Crunch, transmeton Telegrafi.

Now, even more people can get paid to post!

We’ve lowered the eligibility threshold for ads revenue sharing from 15M to 5M impressions within the last 3 months. We’ve also lowered the minimum payout threshold from $50 to $10.

Sign up for a Premium subscription to get access.

— Support (@Support) August 10, 2023

Menjëherë pas njoftimit, Musk shtoi një kusht, duke thënë se vetëm përshtypjet nga llogaritë e verifikuara do të konsideroheshin për ndarjen e të ardhurave nga reklamat.

“Mashtruesit përndryshe do të përdorin bots për të spamuar pamjet në pafundësi”, paralajmëroi ai.

Aktualisht, X nuk u ofron përdoruesve të tij një mënyrë për të kontrolluar “shikimet e verifikuara” të postimeve të tyre.

This essentially means that X Premium (fka Twitter Blue) is free for accounts that generate above 5M views.

Note, only views from verified handles count, as scammers will otherwise use bots to spam views to infinity. https://t.co/87MqqyUu2E

— Elon Musk (@elonmusk) August 11, 2023

Është e paqartë se si krijuesit do të jenë në gjendje të gjejnë sa shikime ose përshtypje kanë marrë postimet e tyre nga përdoruesit e verifikuar. /Telegrafi/