Will Smith befason Jada Pinkett Smith në skenë: Marrëdhënia jonë është brutale dhe e bukur

Will Smith e befasoi Jada Pinkett Smith në skenë në Baltimore të mërkurën mbrëma për të deklaruar dashurinë e tij për të.

“Unë thjesht doja të dilja dhe të isha këtu për ty ashtu siç e ke qenë ti për mua”, tha fituesi i “Oscar” gjatë paraqitjes së tij në Bibliotekën Falas Enoch Pratt.

“Ne kemi pasur një marrëdhënie shumë, shumë të gjatë dhe të trazuar. Ne e quajmë ‘brutiale’. Ishte brutale dhe e bukur në të njëjtën kohë”, tha ai, sipas Baltimore Sun.

E habitur, Jada – e cila ishte në Shkollën e Arteve në Baltimore për të promovuar librin e saj me kujtime “Worthy” – nuk mund të mos shfaqte emocione teksa mbulonte gojën me njërën dorë, ndërsa bashkëshorti i saj bënte komentet.

Dyshes iu bashkuan fëmijët e tyre Jaden dhe Willow si dhe nëna e Jada, Adrienne Banfield Norris, e cila festoi ditëlindjen e saj të 70-të.

Djali 30-vjeçar i Will, Trey Smith, të cilin ai e ka me ish-bashkëshorten Sheree Zampino, gjithashtu iu bashkua familjes, shkruan PageSix.

Diku tjetër, Will Smith tha se bashkimi i çiftit ka qenë një “eksperiment publik i dobët në dashurinë e pakushtëzuar”, sipas Baltimore Banne.

“Ndërsa qëndroj këtu para jush sot, jam më i lumtur se kurrë në tërë jetën time”, tha ai.”Kam arritur çdo gjë që kam dashur ndonjëherë gjatë gjithë jetës sime. Nuk ka mbetur asnjë gjë që dëshiroj në këtë botë – të gjitha çmimet, të gjitha paratë, familjen – gjithçka që kam ëndërruar ndonjëherë”, shtoi ai.

Aktori i “I Am Legend” falënderoi Jadën për mbështetjen e karrierës dhe familjes së tij, duke thënë se ëndrrat e tij ishin “të ndërtuara kryesisht mbi themelet e sakrificave të Jada”.

Ai falënderoi gjithashtu nënën e dy fëmijëve për rritjen e Willow dhe Jaden, si dhe djalin e saj Trey.

“A mund të paraqitesh dhe ta duash dikë për pjesën tjetër të jetës, edhe kur nuk je dakord me të?”, tha Will.

Lexo po ashtu Jada Pinkett Smith thotë se ajo dhe Will Smith do të shkruajnë një libër me kujtime bashkë

“Jada është shoqja më e mirë që kam pasur ndonjëherë në këtë planet dhe unë do të paraqitem për të dhe do ta mbështes atë për pjesën tjetër të jetës sime”, përfundoi ylli.

Aktorja e “Girls Trip”, 52, javën e kaluar zbuloi se ajo dhe aktori janë ndarë që nga viti 2016 – madje jetojnë të ndarë. /Telegrafi/