Wi-Fi i shpejtë nga Broadcom

Broadcom në CES synon të paraqes çipsetët e parë për gjeneratën e pestë të rrjetës Wi-Fi. Bëhet fjalë për standardin IEEE 802.11ac i cili lejon shpejtësi gigabite të bartjes së të dhënave, gjë që padyshim se do të jetë e mirëseardhur gjatë streamingut të përmbajtjeve HD përmes rrjetave shtëpiake pa tela.

Përveç shpejtësisë më të madhe, Broadcom thekson edhe shtrirje më të madhe dhe shpenzim më të ulët të energjisë (për shkak të bartjes më të shpejtë të të dhënave), që është e rëndësishme për portativët dhe pajisjet tjera mobile. Sipas fjalëve të Broadcomit, rrjeta Wi-Fi 5G është tri herë më e shpejtë dhe pesë herë më efikase nga aspekti energjetik në krahasim momentalisht më të shpejtin 802.11n me kanal dy herë më të gjerë (80 MHz), modulacionin më të lartë (256-QAM) dhe përkrahjen për kodet LDPC dhe STBC.

Janë paralajmëruar katër çipsetë të punuar në procesin prodhues prej 40-nanometrave me përkrahje për Wi-Finë e shpejtë – modelet BCM4360, BCM4352, BCM43526 dhe BCM43516. Përkrahjen për këtë teknologji qysh tani e kanë paralajmëruar Comcast, Lenovo, Motorola, Netgear dhe prodhuesit e tjerë të pajisjeve të rrjetës, derisa koha e arritjes së zgjidhjeve komerciale ende nuk është e ditur. /Telegrafi/