Serbia dhe Franca kanë arritur të martën marrëveshje që Beogradi të blejë 12 aeroplanë luftarakë francezë, Rafale, ka bërë të ditur presidenti serb Aleksandar Vuçiq, me synim të modernizimit të forcës ajrore të këtij vendi.
Në ditën e dytë dhe të fundit të vizitës në Francë, Vuçiq e ka bërë publike marrëveshjen, pas takimeve me presidentin francez, Emmanuel Macron dhe zyrtarë tjerë në Paris.
Ai është takuar edhe me përfaqësuesit e kompanisë që prodhon aeroplanët Rafale, Dassault Aviation.
Franca ende nuk e ka konfirmuar marrëveshjen me Serbinë, e cila e ka një forcë ajrore kryesisht me aeroplanë të vjetër sovjetikë MiG 29 dhe pajisje tjera të kohës jugosllave.
Një blerje e tillë e Serbisë mund të shënojë largim prej furnizueses tradicionale të armëve, Rusisë, me të cilën Beogradi ruan marrëdhënie të ngrohta.
Serbia refuzon t’iu bashkohet sanksioneve të Bashkimit Evropian ndaj Rusisë për shkak të nisjes së luftës së Rusisë në Ukrainë, pavarësisht se është kandidate për anëtarësim në bllokun evropian.
“Nënshkrimi i marrëveshjes do të ndodhë brenda dy muajsh, në prezencë të presidentit të Francës”, ka thënë Vuçiq për mediat serbe, transmeton REL, duke shtuar se Macron do ta vizitojë Serbinë në “muajt e ardhshëm”.
Vuçiq ka thënë se marrëveshja është “jashtëzakonisht e rëndësishme për Serbinë”, duke shtuar se kështu do të hapen “kapituj tjerë, mundësi tjera për Serbinë”.
Presidenti serb nuk ka treguar sa do të paguajë Beogradi për këta aeroplanë.
Në shkurt të vitit të kaluar, Vuçiq ka thënë se blerja e aeroplanëve luftarakë Rafale do të përbënte blerjen më të madhe ushtarake të Serbisë, “në vlerë të 3 miliardë eurove”.
Në vjetët e fundit, Serbia e ka rritur bashkëpunimin me Francën në fushën e mbrojtes.
Serbia ka blerë helikopterë luftarakë prej kompanisë franceze Airbus në vlerë të 105 milionë eurove, dy aeroplanë transportues C-295 në vlerë të 66 milionë eurove dhe i ka shpenzuar 15 milionë euro tjera për pajisje dhe trajnim të pilotëve.
Beogradi ka blerë edhe 18 sisteme kundërajrore Mistral me 50 raketa, por çmimi nuk dihet.
Sipas të dhënave të Institutit të Stokholmit për Kërkime Ndërkombëtare, Serbia investon më së shumti në ushtri në krahasim me vendet tjera të Ballkanit Perëndimor.
Prej vitit 2018 deri më 2022, Serbia ka ndarë më shumë se 1.4 miliard dollarë në këtë sektor.
Vuçiq e ka përmendur në disa raste se do të vazhdojë blerja e armëve dhe pajisjeve ushtarake dhe vetëm këtë vit janë ndarë 740 milionë euro në këtë drejtim.
Kritikët kanë paralajmëruar Perëndimin kundër armatosjes së Serbisë, e cila ka marrëdhënie të tensionuara me Kosovën, pavarësinë e së cilës – të shpallur më 2008 – vazhdon të mos e njohë.
Promo
Reklamo këtuLufta Prigozhin - Putin
Më shumëNga Rubrika
A mund të ndikojë lufta në Ukrainë në marrëdhëniet franko-gjermane?
Hamasi dhe Izraeli përsëri nuk pajtohen: A po shkojnë drejt fundit bisedimet për një armëpushim në Gazë?
Avancon ushtria e Zelenskyt: Nga 24 sulme me dronë rusë në vijat e frontit, Ukraina rrëzon 23 prej tyre
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
A mund të ndikojë lufta në Ukrainë në marrëdhëniet franko-gjermane?
Cila është brigada më e fuqishme e Ukrainës të cilën pritet ta furnizojë Pentagoni?
Avancon ushtria e Zelenskyt: Nga 24 sulme me dronë rusë në vijat e frontit, Ukraina rrëzon 23 prej tyre
Macron tregon se në çfarë rrethana do të dërgonte trupa në Ukrainë
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak