Një ish përdoruese e heroinës e cila u detyrua që të punonte si striptiste që të mund të gjente paratë për drogë ka publikuar fotografitë nga përditshmëria e saj, ku tregohet beteja e ashpër për të mos përdorur drogë.
Alex ishte 17 vjeçe kur ajo nisi të përdorte heroinë për herë të parë. Adoleshentja nga SHBA-të nisi që të përdorte sasi gjithnjë më të mëdha, kur nëna e saj,e alkoolizuar vari veten.
Situata u përkeqësua shumë, aq sa i duhej që të gjente 300 dollarë në ditë që të blinte heroinën.
Pas dy arrestimeve dhe përfshirjes në programet e shkëputjes së varësisë nga droga, ajo prej tri vjetësh nuk ka marrë asnjë substancë narkotike, transmeton tema.
Alex tani po vazhdon universitetin dhe publikimin e fotove e bën me qëllim që t’u tregojë të rinjve se çfarë shkatërrimi të sjell përdorimi i drogës.
