Në momentin e arrestimit, Coka ishte duke u larguar drejt Anglisë, teksa dispononte dokumente të rregullta angleze me emrin kosovar, Besnik Morina. Ai është prangosur nga efektivët e policisë në momentin e përpunimit të dokumentacionit në Rinas për të dalë jashtë shtetit.
Sipas burimeve zyrtare, Coka është dënuar me 25 vjet burg nën akuzën e vrasjes me paramendim.
Ngjarja ka ndodhur më 25 gusht të vitit 1997, kur në bashkëpunim me shtetasit B. L dhe Z. L, kanë vrarë me armë zjarri punonjësin e policisë, Miftar Krashi, në fshatin Arras, të rrethit të Dibrës.
