Një person është vrarë pas një grindje që kishte pasur për parking para një qendre tregtare në Atlanta të SHBA-ve.

Dy grupe të njerëzve në dy vetura ishin grindur për një parking para qendrës tregtare në Lenox, ka bërë të ditur policia, transmeton Telegrafi.

Edhe pse ata ishin futur në qendrën tregtare, grindjen e kishin vazhduar pasi kishin dalë jashtë – ku njëri prej tyre është goditur me plumb në kokë.

Viktima që është shpallur i vdekur në vend të ngjarjes, nuk është identifikuar menjëherë. Ndërkaq katër të dyshuarit ishin larguar nga parkingu me veturën e tyre – megjithatë ata pësuan aksident duke u detyruar të dalin nga vetura dhe të ikin në këmbë.

E pas intervenimit të policisë njëri prej tyre është arrestuar, ndërsa nuk dihet nëse i arrestuari kishte shtënë me revole mbi viktimën. /Telegrafi/