Vrasja e Shinzo Abe, Rama: Tregon sa shumë tronditen themelet e demokracisë kur politikanët shihen si armiq

Kryeministri i Shqipërisë, Edi Rama është shprehur sot i tronditur nga lajmi për vrasjen e ish-kryeministrit japonez Shinzo Abe.

Në një postim në Twitter, Rama e konsideroi vrasjen e Abe si një ngjarje që tregon se “sa shumë janë tronditur themelet e demokracisë kur politikanët shihen si armiq që duhen eliminuar”.

“I tronditur dhe i pikëlluar nga vdekja e ish-kryeministrit Shinzo Abe. Ngushëllimet tona më të thella familjes së tij dhe popullit të Japonisë. Vrasja e tij nxjerr në pah se sa shumë tronditen themelet e demokracisë kur politikanët shihen si armiq për t’u shkatërruar dhe jo si kundërshtarë për t’u përballur”, shkruan Rama në rrjetin social.

Abe, i cili mbetet kryeministri më jetëgjatë i Japonisë, u qëllua me armë zjarri duke mbajtur një fjalim në fushatën elektorale.

Ai vdiq në spitalin ku po merrte trajtim mjekësor, ka thënë një zyrtar i lartë i Partisë Liberal Demokratike, raporton transmetuesi publik NHK.

Autori i sulmit i dyshuar ishte një burrë rreth të 40-ave, i cili u arrestuar në vendngjarje, raporton BBC. /Telegrafi/

Shocked and saddened by the death of former PM Shinzo Abe. Our deepest condolences to his family and the people of Japan. His murder highlights how much the foundations of democracy are shaken when politicians are seen as enemies to be destroyed and not as adversaries to engage!

— Edi Rama (@ediramaal) July 8, 2022