Vrasja e Abu Bakr al-Baghdadit, një informator do të merr 25 milionë dollarë – tregohet pse e tradhtoi liderin e ISIS-it

Më shumë detaje janë shfaqur në lidhje me njeriun e ISIS-it i cili supozohet se ofroi informacionet kryesore që çuan në operacionin e suksesshëm amerikan që rezultoi në vdekjen e Abu Bakr al-Baghdadit.

Sipas mediave të huaja, përcjell Telegrafi, një njeri me kombësi të paidentifikuar, në të vërtetë ishte brenda kompleksit sirian të al-Baghdadit kur Forcat e Delta të SHBA-së sulmuan atë të shtunën, zyrtarë amerikanë dhe nga Lindja e Mesme i thanë Washington Post.

Lexo po ashtu Misteret e jetës së Abu Bakr al-Baghdadit: Kush ishte “udhëheqësi i pakapshëm” i ISIS-it që u bë njeriu më i kërkuar në botë

Informatori ka ofruar informacione të hollësishme duke përfshirë paraqitjen e saktë të brendshme të kompleksit dhe vendndodhjen e Baghdadit brenda në kohën e sulmit, gjatë së cilës Bagdadi shpërtheu një jelek vetëvrasjeje duke vrarë veten dhe tre fëmijët e tij, thanë zyrtarët.

Kështu, informatori pritet të marrë një pjesë ose të gjithë çmimin prej 25 milionë dollarësh që SHBA i kishin vendosur “për kokën” e Baghdadit.

Një zyrtar citohet t’i ketë thënë mediumit në fjalë se burri ishte një arab Sunnit i cili u bë i acaruar me ISIS-in pasi grupi ekstremist vrau anëtarët e familjes së tij.

Informatori besohet të jetë i njëjti individ për të cilin NBC News më parë raportoi se vodhi mbathjet e pista të al-Bagdadi për testimin e ADN-së për të konfirmuar identitetin e tij.

Lexo po ashtu Ishte më i besuari i tij, njeriu që u dha informata amerikanëve ka treguar 'taktikat e fshehjes' së al-Baghdadit – dhe ka përshkruar bunkerin e tij nëntokësor

Siç thuhet tutje, operatorët e inteligjencës kurde që mbikëqyrnin informatorin ia kaluan forcave amerikane para se të bastisnin shtëpinë e sigurt të al-Baghdadit.

Ndryshe, Al-Baghdadi, 48 vjeç, udhëheqësi i pakapshëm i Shtetit Islamik, vrau veten dhe tre fëmijët e tij duke vendosur një jelek vetëvrasës ndërsa forcat amerikane sulmuan kompleksin të shtunën natën.

Dhe gjenerali Mazloum Abdi nga Forcat Demokratike Siriane tha që informatori përshkroi një planifikim dhomë për dhomë të kompleksit të liderit të terrorit në kufirin turk, duke përfshirë numrin e rojeve, planet e dyshemesë dhe tuneleve.

Lexo po ashtu Me liderin e vdekur, çfarë mund të ndodhë me ISIS-in? Skenarët e mundshëm dhe emrat që mund ta zëvendësojnë Abu Bekr al-Baghdadin

Zbulimi i informatorit vjen pasi presidenti Donald Trump mori kritika për vendimin e tij për tërheqjen e trupave amerikane nga Siria, duke i lënë kurdët të përballen me një ofensivë turke më vete.

Presidenti kishte lavdëruar forcat amerikane për bastisjen al-Baghdadit, i cili në ‘momentet e tij të fundit në frikë të plotë, në panik dhe frikë të plotë’, ishte “i tmerruar nga forcat amerikane që e rrethonin atë”.

Sidoqoftë, dy zyrtarë të inteligjencës zbuluan për New York Times se në të vërtetë ishin kurdët sirianë dhe irakianë ata që jepnin më shumë informacione rreth vendndodhjes së al-Baghdadit dhe ishin të dobishëm për ta kapur atë.

Lexo po ashtu Vdekja e Abu Bakr al-Baghdadit: Një spiun vodhi të brendshmet e udhëheqësit të ISIS-it, gjë që ndihmoi në operacionin ndaj tij

Informatori në sulmin e së shtunës siguroi mbathjet e pista të al-Bagdadit për ‘të siguruar (100%) se personi në fjalë ishte vetë al-Baghdadi’, ka thënë Polat Can, një zyrtar i lartë në Forcat Demokratike Kurde.

Informatori gjithashtu siguroi një gjak nga udhëheqësi i ISIS për të dëshmuar më tej qasjen drejt xhihadistit. /Telegrafi/