Vrasësi i Martin Neshkovsit nuk është në burg

I dënuari me burg për vrasjen e Martin Neshkovski, Igor Spasov nuk është në burg për shkak se po mjekohet konfirmojnë për “Faktor”, nga Drejtoria për ekzekutimin e sanksioneve. Sipas informacioneve ai është në mjekim pothuajse që një vjet. Gjykata i ka dhënë leje për mjekim disa herë.

“I gjykuari Igor Spasov duke filluar nga 29.08.2018 deri më sot ndodhet në ndërprerje të mbajtjes së burgut, që iu është caktuar me vendim të Gjykatës Themelore Shtip dhe me të drejtë është dashur të zgjas deri më 22.10.2018. Por, pastaj e njëjta gjykatë ia ka vazhduar ndërprerjen e mbajtjes së burgut nga 22.10.2018 deri më 17.12.2018, me çka përsëri me një vendim iu është vazhduar ndërprerja e burgut nga 17.12.2018 deri më 18.02.2019, pastaj përsëri iu është vazhduar nga 18.02.2019 deri më 18.05.2019, ndërsa për herën e fundit iu është vazhduar ndërprerja e mbajtjes së burgut prej 18.05.2019 deri më 18.08.2019 kur duhet të kthehet në shlyerjen e dënimit me burg”, njoftojnë nga Drejtoria e ekzekutimit të sanksioneve.

Spasov është i dënuar me 14 vjet burg për vrasjen e Martin Neshkovskit gjatë festës së OBRM-PDUKM-së pas zgjedhjeve të vitit 2011. /Telegrafi/