Vrapuesja Olimpike thotë se u dërgua në aeroport kundër vullnetit të saj, derisa refuzon të kthehet në vendlindje

Vrapuesja olimpike, Krystsina Tsimanouskaya ka thënë se ajo u dërgua në aeroport kundër vullnetit të saj pasi u ankua për trajnerët e Bjellorusisë në Lojërat Olimpike të Tokios.

Pretendimi u nda në mediat sociale, ndërsa ajo xhiroi veten duke shpjeguar situatën.

Atletja 24-vjeçare u dërgua në aeroportin Haneda të Tokios, pasi kishte folur publikisht kundër trajnerëve të ekipit.

Dhe Krystsina tani është në procesin e refuzimit të kthehet në vendin e saj.

Ajo duhej të garonte në garën 200 metra të hënën, por përgatitjet e saj për momentin e madh në karrierën e saj në atletikë janë shkatërruar.

Në vend të kësaj, Krystsina kaloi të dielën duke pretenduar se kërkonte mbrojtje nga policia japoneze në aeroport.

Në një mesazh, ajo tha: “Unë nuk do të kthehem në Bjellorusi. Mendoj se jam e sigurt. Jam me policinë”.

Një fotograf i Reuters ishte dëshmitar i atletes që qëndronte pranë policisë japoneze, ndërsa një oficer policie në aeroportin Haneda tha gjithashtu se ata ishin me një atlete olimpike femër nga Bjellorusia në Terminalin 3.

Komiteti Olimpik Ndërkombëtar ka lëshuar një deklaratë e cila thotë: “IOC ka parë raportimet në media për atleten Bjelloruse, Krystsina Tsymanouskaya”.

“Ne po shikojmë situatën dhe i kemi kërkuar sqarim NOC-it”.

Komiteti Olimpik Bjellorusi tha në një deklaratë se trajnerët kishin vendosur të tërhiqnin Tsimanouskaya nga Lojërat Olimpike me këshillën e mjekëve për “gjendjen e saj emocionale, psikologjike”. /Telegrafi/