Voziti në anën e kundërt të shiritit, shkakton aksident në Veternik drejtuesi i veturës me targa të Shqipërisë

Një aksident komunikacioni ka ndodhur pasditen e së premtes në hyrje të Prishtinës, në Veternik.

Deri të aksidenti ka ardhur pasi njëri nga shoferët kishte drejtuar veturën me targa të Shqipërisë në anën e kundërt të rrugës.

Lajmin për Telegrafin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.

Ahmeti tha se gjatë aksidentit janë shkaktuar vetëm dëme materiale dhe nuk ka persona të lënduar. /Telegrafi/