Volkswagen ID.3 modifikohet që të duket sikur versioni R

Makinë elektrike, që ka edhe dukje shumë të këndshme

Konsiderohet si prezantimi më i rëndësishëm i këtij shekulli, ID.3 është makina elektrike e Volkswagen, si pjesë e epokës së tretë të prodhimit pas Beetle dhe Golf, transmeton Telegrafi.

Në pjesën e pasme të ID.3 është vendosur motori elektrik, që prodhon 201 kuaj fuqi që është kapaciteti i njëjtë sa edhe te Golf GTI. Artisti i modifikimit, Kleber Silva ka punuar në ID.3, për ta modifikuar që të duket sikur versioni R, që Volkswagen e përdorë në disa modele.

Vetura është lyer me ngjyrë të kuqe, derisa me gri të errët janë lyer përfundimet e poshtme si dhe kapakët e rrotave që duken shumë agresive. Pjesa e përparme është shumë më sportive, derisa në pjesën e pasme është pak më e ngritur.

Të gjitha këto ndryshime, është e vështirë se mund t’i ketë ID.3 ndonjëherë, për shkak se duhet siguruar se përshtaten me platformën, që duhet të përmbajë bateri të fuqishme.

Linjat e reja dhe ndryshimet shumë të këndshme që i shohim te ID.3, ka mundësi që të barten te ID.4 i ri, që thuhet të jetë po aq i mirë. /Telegrafi/