LAJMI I FUNDIT:

Vitia: Kontingjenti tjetër i vaksinave pritet të arrijë në fund të këtij muaji, deri në fund të vitit do t’i kemi në dispozicion rreth 2 milionë

Vitia: Kontingjenti tjetër i vaksinave pritet të arrijë në fund të këtij muaji, deri në fund të vitit do t’i kemi në dispozicion rreth 2 milionë

Ministri i Shëndetësisë, Arben Vitia në një konferencë për media ka thënë se sot po nisim një proces të rëndësishëm për shëndetin e qytetarëve, procesin e vaksinimit masiv.

“Menaxhimi i pandemisë dhe ringjallja ekonomike janë dhe mbeten prioritetet e Qeverisë. Për të parën është shume  rëndësishme dhe pa të parën nuk arrihet as e dyta, sot po fillojmë një proces thelbësor për të parën.

MSh në bashkëpunim me institucionet shëndetësore i ka bërë përgatitjet për realizimin e planit të veprimit për vaksinimin e qytetarëve në masë me vaksinën antiCOVID-19”, ka thënë Vitia.

Ministri ka thënë se ky moment shënon një kapërcim në luftën tonë me pandeminë.

Vitia më tej bëri të ditur se kontingjenti i parë i vaksinave nga marrëveshja me Pfizer pritet të arrijnë në fund të këtij muaji.

“Kemi një numër relativisht komod të vaksinave në stoqe, deri në fund të muajit pritet të vijë kontingjenti i parë i vaksinave që kemi siguruar nga kontrata me Pfizer. Përfshirë këtu edhe 40 mijë doza të tjera që pritet të arrijnë nga COVAX”, u shpreh Vitia.

Ministri theksoi se deri në fund të vitit ne do t’i kemi në dispozicion rreth 2 milionë vaksina.

“Ne kemi siguruar kontratë me kompaninë Pfizer për mbi 1.2 milion doza deri në fund të vitit dhe së bashku me dozat tjera që do të na vijnë nga COVAX dhe miqtë tanë atëherë deri në fund të vitit do ti kemi në dispozicion diku 2 milionë doza të vaksinave, nëse e bëjmë një llogaritje i bie që cdo muaj të vaksinojmë diku rreth 320 mijë qytetarë”, tha Vitia.

Ai shtoi se Ministria e Shëndetësisë në bashkëpunim me komunat ka krijuar hapësira të reja për vaksinim, ka shtuar 279 ekipe të vaksinimit në nivel vendi, dhe ka ngritur infrastrukturën e nevojshme.

“Sot me kënaqësi them se tani kemi kaluar shifrën prej 100 mijë të vaksinuar, dhe objektiv i ynë mbetet vaksinimi i 60% Aktualisht po vaksinohen personat mbi 65 vjet dhe personat me sëmundje kronike pa dallim moshe”, tha Vitia.

Ai shtoi se sigurimi i vaksinave dhe administrimi i tyre është përgjegjësi e jona. Ministri u bëri thirrje qytetarëve që të aplikojnë për marrjen e vaksinës. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

E mohoi në Kuvendin e Serbisë, por Goran Rakiq ishte betuar si ministër në Kuvendin e Kosovës

Lajme
Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Votimi i Malit të Zi kundër Kosovës në KiE, Gjeloshaj: Qëndrimin tonë do ta japim kur të votohet në Këshillin e Ministrave

Lajme
Si do të mund t'i drejtohen kosovarët Gjykatës së Strasburgut?

Si do të mund t'i drejtohen kosovarët Gjykatës së Strasburgut?

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Kalo në kategori