Viti 1999, komploti rus dhe Kosova

Ishte qershori i vitit 1999 kur aparati shtetëror, policor, militar e paramilitar serb do të gjendej i dorëzuar në Kosovë përballë NATO-s.

Pikërisht ishte data 12 qershor që shënoi fillimin e hyrjes së forcave ushtarake të NATO-s në Kosovë. Lufta e Kosovës shënon fundin me Marrëveshjen e Kumanovës, ku Serbia detyrohet që të tërheqë të gjitha forcat ushtarake dhe administratën dhe largohet praktikisht nga Kosova.

Disa orë më herët, para se NATO-ja të fillonte hyrjen e forcave të veta në Kosovë, rusët, jashtë çdo parashikimi dërgojnë nga Bosnja e Hercegovina një kontingjent të ushtrisë së tyre në Kosovë.

11 qershori shënon 21-vjetorin e një dite tëtrishtë për Kosovën në prag të çlirimit të saj, por si simbolikë jep edhe të ardhmen e Kosovës në raport me Federatën e Rusisë, e cila, për fat të keq, nuk dallon nga politika destruktivemoskovite edhe para datës në fjalë.

Por, prezenca ruse në Kosovë nuk fillon më 11 qershor.

Ishte data 20 maj 1999 kur në luftimet me forcat serbe në Koshare, pjestarë të UÇK-së deklaruan se kishte vrarë edhe një mercenar rus, i cili po luftonte përkrah serbëve. Bëhej fjalë për një oficer të ushtrisë ruse.

Agjencitë e huaja të lajmeve publikuan dokumente dhe konferencën për shtyp të UÇK-së, e cila argumentoi pjesëmarrjen e rusëve në luftën gjenocidale ndaj popullilt të Kosovës. /rtk/