Projekti dokumentar “VIRUSSIA”, përveç Kosovës, tashmë ka bërë bujë edhe në shtetet e rajonit dhe më tej.
Mumin Jashari, producent i këtij cikli të dokumentarëve, ka folur për KosovaPress, duke potencuar faktin se është nga projektet e rralla, ku njëzëri kanë folur shumica e pjesëmarrësve.
Për këtë, ai konsideron se përcaktuese e këtij fenomeni është tema – influenca malinje ruse.
Projekti i serialit të dokumentarëve “VIRUSSIA”, veç Kosovës, tashmë ka zënë vend edhe më larg. Cili është mesazhi i këtij projekti?
Ekipi realizues i projektit “VIRUSSIA” ka bërë një punë të madhe brenda këtyre dy viteve të fundit. Meqë na rastisi të punojmë edhe në kohën e pandemisë, ky projekt mesazhin artistik e ka në titull “virusi rus”. Unë jam producent dhe nuk jam marrë shumë me përmbajtjen, gjë të cilën besoj e ka bërë mjeshtërisht autori Mentor Shala. Por, si artist, projekti ka plotësuar të gjitha kushtet që e bëjnë të rrallë dhe me vlera. Gjatë punës, xhirimeve, në gjithë rajonin, e kam mësuar një gjë, që të gjithë të intervistuarit e kanë potencuar qartë se prania ruse në Ballkan është e dëmshme.
Sa kohë iu është dashur ta përfundoni këtë projekt? Që nga projektimi ideor, xhirimet, mbledhja e materialeve, montimi dhe post-produksioni?
Unë e thashë edhe më herët, se projekti ka filluar realizimin që para paraqitjes së virusit pandmik që e bllokoi botën. Pra, afër dy vite kemi punuar deri në transmetimin e pjesës së parë. Pjesa e dytë do të shfaqet të hënën me 12 korrik, menjëherë pas përfundimit të EURO 2020.
Në projekt flasin edhe personalitete jo shqiptare, madje edhe serbë. Ka pasur pengesa dhe vështirësi për t’i bindur serbët që të flasin?
Ka qenë interesante se për këtë temë të rëndësishme nuk na ka refuzuar askush. Ne kemi intervistuar shumë personalitete, si shqiptarë, serbë, boshnjakë, etj. Kemi xhiruar edhe në Bruksel dhe në Helsinki. E kam vërejtur se tema ka qenë e rëndësishme dhe kryesisht qëndrimet kanë qenë të njëjta. Secili nga pjesëmarrësit ka qenë i vetëdijshëm që është duke kontribuar në këtë çështje. Pa dashur të keqkuptohem, por na kanë pritur mirë edhe të intervistuarit në Beograd, si Vuk Draskoviq e të tjerët. Disa nga serbët, kanë ardhur dhe xhirimet i kemi bërë në Prishtinë.
Pjesa e parë ka folur për spiunazhin rus. E pjesët e tjera për çfarë temash flitet?
Pjesa e dytë, e cila do të shfaqet të hënën, si në Kosovë, edhe në Bosnjë e Hercegovinë, flet për luftën hibride ruse. Kurse, dy episodet e tjera, pra e treta dhe e katërta, flasin për ndikimin diplomatik dhe atë përmes kishës ortodokse. Ju ftoj që t’i ndiqni, sepse janë shumë interesante.
A ka gjera ekskluzive në dokumentar apo janë vetëm përmbledhje?
Një dokumentar nuk është ekskluziv pa gjëra ekskluzive brenda. Autori Mentor Shala ka punuar shumë në mbledhjen e materialeve, dhe siç e dini, ka bashkëpunuar shumë me institute të veçanta që merren me studimin e kësaj dukurie. Përveç intervistave, Mentori si autor dhe bashkëpunëtorët Menduh Hysa e Gynen Venhari, kanë siguruar edhe materiale të veçanta, të cilat publiku nuk ka pasur rastin t’i shohë apo t’i dijë.
A ka reagime nga ana tjeter për dokumentarin?
Personalisht, unë kam marrë përgëzime për projektin “VIRUSSIA”, por e di që ka pasur edhe disa reagime kundërshtuese nga ambasadori rus në Beograd. Ai e ka dhe një intervistë diku në Serbi, që thotë se ky dokumentar nuk flet për të vërtetat. Por, dokumentari mbështetet në dokumentime.
Ku është shfaqur deri tani dhe a mendoni se do ta shfaqni edhe ne vendet te tjera?
Përveç RTK-së, T7 dhe Televizionit O Kanal në Bosnjë dhe Hercegovinë, dokumentarin po e kërkojnë për transmetim edhe në vende të tjera, duke u nisur nga Shqipëria, Ukraina, Maqedonia Veriore etj. Janë bërë kërkesa edhe në EBU. Do ta shohim. Projekti vlen për ta shikuar dhe besojmë se shikuesi do ta presë mirë kudo që të shfaqet. Të gjitha informatat mund t’i merrni në faqen virusia.net si dhe në rrjetet sociale, Facebook dhe Twitter. /KP/
Promo
Reklamo këtuLufta Prigozhin - Putin
Më shumëNga Rubrika
Votoi pro Kosovës në Asamblenë Parlamentare të KiE-së kërcënohet deputeti boshnjak
Dhunimi i 11 vjeçares, RrGK reagon për dënimin e ultë për gjashtë të akuzuarit
Diskriminimi ndaj shqiptarëve në Serbi, Von Cramon dhe eurodeputetët e tjerë shprehin shqetësimin dhe kërkojnë veprime
Numri i serbëve në Kosovë po zvogëlohet, por jo për shkak të “terrorit shqiptar”, Knaus: Pretendimet e tilla të Vuçiqit janë mashtrim
Gazetari britanik tregon nëse mund të ketë luftë në Kosovë dhe Bosnjë
Po kërkoheshin nga Interpoli – policia në Ferizaj sekuestron katër vetura me targa franceze
Biseda telefonike ndërmjet presidentit francez Macron dhe kryeministrit Kurti, anëtarësimi në Këshill të Evropës dhe Asociacioni i komunave me shumicë serbe
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Zgjedhjet presidenciale në Maqedoni - gjithçka që duhet të dini
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert