Shpeshherë klientët presin këshilla nga unë, përkitazi me zgjidhjen e problemeve që janë jashtë fushëveprimit tim – duke filluar nga mungesa e kuadrove profesionale në tregun tonë, nga infrastruktura ligjore, e deri tek barrierat që ata i hasin në raport me institucionet shtetërore. Kur duhet të ndërmjetësoj me institucionet, në diskutime e sipër futem kot në situatat kur unë flas për lisa, e të tjerët për fshisa. Unë kërkoj zgjidhje për eksport të produkteve të drurit, e nga institucionet më japin raporte për eksportin e peshkut. Mendoj se dëgjojnë, por nuk kuptojnë. E, mungesa e kompetencave dhe dhënies së përgjegjësisë po na mban qëmoti peng. Njëri hap kanalin, e tjetri pas tij e mbyll. Ndërkaq, mungon ai që duhet shtrirë gypat.
Kështu vazhdon tregimi im, si hyrje para çdo fjalimi përballë klientëve; si një shembull që nuk duhet ndjekur dhe si reagim ndaj gjërave të pakuptimta – të pakontrolluara. Sepse, nëse arrij ta bind biznesin për zbatimin e ndonjë sistemi menaxhues, zhgënjimi i tyre fillon nga pragu i institucioneve tona.
Dikur para klientëve gjeja arsyetime, duke u thënë se jam konsulent menaxherial e jo biznesor dhe se disa kërkesa dalin jashtë kompetencave të mia. Por, e kam kuptuar se e kisha gabim. Sepse, është përgjegjësi e imja si qytetar dhe si sipërmarrës të ofroj zgjidhje dhe përkrahje në zhvillimin e sektorit privat. Se paku të ngre zërin për nevojat e bizneseve dhe pengesat që ata i hasin çdo ditë.
Po e marr si shembull hendekun mes edukimit formal dhe nevojave të tregut të punës, ku këtë situatë nuk e zgjidhë aspak numri i madh i kolegjeve private në vend. Por, as ndihmat e pranuara nga organizata ndërkombëtare përmes projekteve të vetëdijesimit dhe ngritjes se kapaciteteve humane. Sepse, ia kemi huq nga aty ku buron problemi; se shqiptari dëgjon, por nuk kupton.
Le të kthehemi pak në kohë.
Më kujtohen vitet e nëntëdhjeta të shekullit të kaluar, kur si fëmijë shikonim një film të quajtur “Sirena e vogël”. Na pëlqente kolona zanore, ndërsa teksti – meqë s’e dinim anglishten – na tingëllonte si “an-da-da-si” (kënga “Under the Sea”). Kur u rritëm, i keqkuptuam edhe tekstet e Pinkflloidsave (grupit Pink Floyd). Vargu i parë i një prej hiteve më të mëdha të tyre na tingëllonte si “Vinono edukeshën” (We Don’t Need No Education). Përkthimin e kemi keqkuptuar edhe më shumë, sepse bazoheshim te literalja: “Nuk kemi nevojë, jo edukim”!
Epo, ndoshta fajet i ka grupi Pink Floyd që tekstet e këngëve i kanë të angazhuara, me thellësi mendimi e me lojë fjalësh. Ndryshe janë këngët tona “moderne”: të pakuptueshme në mjerimin e pakuptimësisë së tyre. Si këngët, si institucionet!
(Autori është themelues/CEO i kompanisë “Be Consulted”)
Promo
Reklamo këtuLufta Prigozhin - Putin
Më shumëSkandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën
Bujar Osmani shpall fitore: Dallimi është mbi 40 mijë vota ndaj Taravarit
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën