Viktor Stojçevski: Nga dita e martë jap dorëheqje nga ELEM

Djali i deputetes Mira Stojçevska, Viktor Stojçevski në rrjetin social në “Facebook” shkroi se nga dita e martë do të japë dorëheqje nga vendi i tij i punës në AD ELEM për arsye, siç thotë ai, morale.

“Dëshiroj të njoftoj opinionin se unë si inxhinier i diplomuar i gjeodezisë në Fakultetin e Ndërtimtarisë, i vetëdijshëm për dijet dhe aftësitë kam kapacitet të punojë në secilën kompanitë të sektorit publik dhe shtetëror ku kërkohet gjeodet . Jam gjatë fundit të studimeve master në Fakultetin e Ndërtimtarisë dhe kam edhe dëshirë të përkushtohem në karrierën time profesionale”

“Unë nuk jam person publik dhe nuk dua më shumë që emri im të jetë në opinion. Në këtë drejtim, dua të njoftoj se pas vendimeve të mbledhjes së djeshme të KPK-së, për arsye morale vendosa që më 30.04.2019 (e martë) të kërkoj dorëheqjen time nga AD ELEM dhe të tërhiqem nga vendi i punës”, shkruan Stojçevski.

Lexo po ashtu Zaev: Jap urdhër të shkarkohen të gjithë familjarët që janë punësuar me ndikim të funksionarëve (Video)

Komisioni për parandalimin e korrupsionit këtë javë hapi lëndë për punësime të funksionarëve të afërt nëpërmjet nepotizmit, ndërsa aty u gjet edhe emri i Stojçevskit.

Dje pasdite edhe deputeti Aleksandar Kiracovski deklaroi se nga vendet e punës tërhiqen bashkëshortja e gruas së tij dhe motra e tij./Telegrafi/