Vije aplikacioni për të gjetur të dashur në stadium (Video)

Je një fans i flirteve virtuale? Atëherë aplikacioni i krijuar nga Getafe do të pëlqejë sigurisht. Quhet “Getafinder” dhe i lejon tifozët e klubit spanjoll që të gjejnë shpirtin binjak brenda stadiumit: “Duke u riprodhuar do të jemi më shumë”.

Kjo është fraza me të cilën starton aplikacioni dhe që i lejon mijëra personave të takohen ndoshta pikërisht pas ndeshjes dhe, ku i dihet, të hedhin bazat për një lidhje dashurie. Brenda impiantit “Coliseum Alfonso Perez”, “Getafinder” (në dispozicion në Google Play për ata që kanë celularë Android) do të tregojë profilin e tifozes ose tifozit duke lokalizuar edhe sektorin ku po ndjek ndeshjen në atë moment.

Pas këtij momenti mjafton një “like” dhe dy të panjohurit mund të fillojnë komunikimin virtual, të shkëmbejnë idetë e tyre në lidhje me ndeshjen dhe të lënë një takim në përfundim të sfidës.

Por nëse shkëndija do të ndizet gjatë pjesës së parë, ka hapësirë gjatë pushimit prej 15 minutash për të ndezur pasionin. Por a do të mjaftojnë 15 minuta për t’i dhuruar tifozë të rinj Getafes? Presidenti Angel Torres Sanchez uron që të jetë kështu.