Videoja e ushtarëve rusë: Ndihmë, na dërguan në front pa stërvitje

Anton Gerashchenko, këshilltar i Ministrit të Punëve të Brendshme të Ukrainës, publikoi një video të ushtarëve rusë që kërkonin ndihmë nga autoritetet, sepse ata ishin dërguar në front pa stërvitje dhe pajisje.

“Ata na mobilizuan nga zona të ndryshme të rajonit të Moskës dhe na dërguan në Ukrainë praktikisht pa asnjë stërvitje ushtarake. Në vend që të na stërvitnin, ne hapëm istikame, ndërtuam dhe mbajtëm pajisje atje për 10 muaj. Nuk iu nënshtruam asnjë taktike, mjekësore apo ushtarake stërvitje”, tha ushtari rus, transmeton Telegrafi.

“Kemi dy javë që jemi në vijën e frontit. Nuk kemi municion të mjaftueshëm, armë, pajisje mjekësore, ushqime. Kemi humbje të mëdha. Kemi humbur gati 40 për qind të njerëzve tanë. Vetëm këta ushtarë këtu kanë mbetur nga toga ime. Çfarë të them? Kërkojmë ndihmën tuaj”, shtoi ai.

Lexo po ashtu Një seri posterash që bënin thirrje për t'iu bashkuar Wagner-it shfaqën në një qytet në Poloni

“U shqetësova shumë pasi na morën celularët, kështu që ne nuk mund ta regjistronim këtë kërkesë. Unë kërkoj ndihmën tuaj që vëllezërit dhe djemtë tuaj të kthehen të gjallë”, tha për fund ushtari rus.

Ndryshe lufta në Ukrainë po vazhdon, ku nga të dyja palët çdo ditë raportohet për të vdekur apo të plagosur. /Telegrafi/

Russian mobilized men from Moscow region complain about being sent to the frontlines without ammunition, food or medical supplies. They ask for help – it seems, from those who sent them to war in the first place. pic.twitter.com/BPOVts215P

— Anton Gerashchenko (@Gerashchenko_en) August 12, 2023